اناسى بىلگەن: الماتى وبلىسىندا 8 جاستاعى قىزدى بولە اعاسى زورلاپ كەلگەن

3353
Adyrna.kz Telegram

الماتى وبلىسىندا تۋىس اعاسى 8 جاستاعى قىزدى زورلاپ كەلگەن. بۇل تۋرالى Facebook جەلىسىنىڭ قولدانۋشىسى اندرەي اندرەەۆ ايتىپ بەردى، دەپ حابارلايدى "ادىرنا" ۇلتتىق پورتالى Stan.kz اقپارات اگەنتتىگىنە سىلتەمە جاساپ.

سوزىنشە، قىزدىڭ اتا-اناسى اجىراسىپ كەتكەن. العاشىندا ول ەلوردادا اكەسىمەن جانە اعاسىمەن تۇرعان، بىراق كەيىننەن الماتى وبلىسىنا اناسىنىڭ قولىنا كوشىپ بارىپتى.

"قىز بالا تۋىستارىنىڭ ۇيىندە قالعىسى كەلىپ جۇرگەن. اناسىنىڭ ۇيىنە قايتقىسى كەلمەگەن. العاشىندا ول ەشنارسە ايتپاlى، الايدا كەيىننەن وقيعانىڭ بۇگە-شۇگەسىنە دەيىن جاسىرماي جەتكىزگەن", - دەپ جازادى اندرەي اندرەەۆ.

قىزدىڭ ايتۋىنشا، اناسى قىدىرىپ كەتكەندە، قىزىن اپكەسىنىڭ ۇيىندە قالدىراتىن كورىنەدى. وسى كەزدە ونى جاسى ۇلكەن بولەسى زورلاعان. ەڭ سوراقىسى، بۇل تۋرالى جابىرلەنۋشىنىڭ اناسى بىلگەن.

قازىر پوليتسياعا ارىز بەرىلىپتى، مۇنى ەستىگەن قىزدىڭ اكەسى استانادان كەلگەن. ال زورلانعان قىزدىڭ اناسى وزىنە جانە تۋىس ىنىسىنە ادۆوكات جالداپ ۇلگەرىپتى.

جەلى قولدانۋشىسى قاراساي اۋداندىق ىشكى ىستەر ءبولىمىنىڭ تەرگەۋشىسى ۋاقىت سوزىپ، ءىستى جۇرگىزۋگە قۇلقى جوق ەكەنىن اتاپ ءوتتى. ونىڭ سوزىنشە، قىز وقيتىن مەكتەپتىڭ ديرەكتور ورىنباسارى وتكەندى قازبالاۋ دۇرىس ەمەس دەپ ايتىپتى.

"قاراساي اۋداندىق پوليتسيا باسقارماسىندا جابىرلەنۋشى ن. ارىزى بويىنشا، 2006 جىلعى ناعاشى تۋىسىنا قاتىستى زورلىق ارەكەتتەرىن ورىنداعانى ءۇشىن قىلمىستىق ءىس قوزعالدى", - دەدى الماتى وبلىسى پد-ءنىڭ باسشىسى سەرىك كۇدەباەۆ.

قازىرگى تاڭدا ءتيىستى ساراپتامالار تاعايىندالعان، كۋاگەرلەردەن جاۋاپ الىنۋدا. سونىڭ ناتيجەسى بويىنشا سوت الدى قورىتىندىسى شىعارىلادى.

پىكىرلەر