وبلىس اۋماعىنداعى بارلىق جاستار رەسۋرستىق ورتالىعىندا جاردەمگە جىبەرىلەتىن زاتتاردى قابىلدايتىن بەكەت اشىلدى.
– مۇنداي اۋىر جاعدايدا قولى ۇشىن سوزباۋ – اعايىندىعىمىزعا سىن. سوندىقتان ءبىز، جاستار رەسۋرستىق ورتالىعىنىڭ ۇجىمى وبلىس باسشىلىعىنىڭ ارىس قالاسىنىڭ تۇرعىندارىنا كومەك كورسەتۋ باستاماسىنا بارىنشا قولداۋ بىلدىرەمىز. جەر-جەردەگى رەسۋرستىق ورتالىقتاردىڭ ماماندارى ءبىر كۇندىك ەڭبەكاقىلارىن زارداپ شەككەندەرگە كومەك رەتىندە اۋداراتىن بولادى. سول سياقتى وبلىستىڭ اۋدان-قالالارىنداعى ءىرى ساۋدا ورىندارىندا، سۋپەرماركەتتەر مەن بازارلاردا قايىرىمدىلىق سورەلەرى اشىلدى. بۇل جەرلەرگە وسى ءبىر قايعىعا ورتاق بولعان كەز كەلگەن ازامات ارىستىقتارعا قاجەتتى تاۋارلاردى اكەلىپ، ورتاق ىسكە ءوز ۇلەسىن قوسا الادى. وزدەرىڭىز كورگەندەي، جەرلەستەرىمىز قايىرىمدىلىق اكتسياسىنا قولداۋ بىلدىررۋدە. ءبىرى ازىق-تۇلىك، ەندى ءبىرى توسەك-ورىن جابدىقتارىن اكەلىپ تاپسىرۋدا. ءبىز سىزدەرمەن بىرگەمىز، ارىستاعى اعايىن! – دەيدى اتالمىش ورتالىقتاردىڭ جەتەكشىسى ارايلىم ەسىمبەكوۆا.
جاستار رەسۋرستىق ورتالىعىنىڭ وسكەمەندەگى بەكەتى پوتانين كوشەسى، 27/1 مەكەنجايىندا ورنالاسقان.
وسى ورايدا ايتا كەتۋ كەرەك، قالاداعى بازارلار مەن ءىرى ساۋدا كەشەندەرىندە دە قايىرىمدىلىق سورەلەرى قويىلعان. قولداۋ بىلدىرگىسى كەلگەن كەز كەلگەن ادام ازىق-تۇلىك پەن تۇرمىستىق زاتتارىن سوندا قالدىرىپ كەتە الادى.
"ادىرنا" ۇلتتىق پورتالى
