Oblys aýmaǵyndaǵy barlyq jastar resýrstyq ortalyǵynda járdemge jiberiletin zattardy qabyldaıtyn beket ashyldy.
– Mundaı aýyr jaǵdaıda qoly ushyn sozbaý – aǵaıyndyǵymyzǵa syn. Sondyqtan biz, jastar resýrstyq ortalyǵynyń ujymy oblys basshylyǵynyń Arys qalasynyń turǵyndaryna kómek kórsetý bastamasyna barynsha qoldaý bildiremiz. Jer-jerdegi resýrstyq ortalyqtardyń mamandary bir kúndik eńbekaqylaryn zardap shekkenderge kómek retinde aýdaratyn bolady. Sol sııaqty oblystyń aýdan-qalalaryndaǵy iri saýda oryndarynda, sýpermarketter men bazarlarda qaıyrymdylyq sóreleri ashyldy. Bul jerlerge osy bir qaıǵyǵa ortaq bolǵan kez kelgen azamat arystyqtarǵa qajetti taýarlardy ákelip, ortaq iske óz úlesin qosa alady. Ózderińiz kórgendeı, jerlesterimiz qaıyrymdylyq akııasyna qoldaý bildirrýde. Biri azyq-túlik, endi biri tósek-oryn jabdyqtaryn ákelip tapsyrýda. Biz sizdermen birgemiz, Arystaǵy aǵaıyn! – deıdi atalmysh ortalyqtardyń jetekshisi Araılym Esimbekova.
Jastar resýrstyq ortalyǵynyń Óskemendegi beketi Potanın kóshesi, 27/1 mekenjaıynda ornalasqan.
Osy oraıda aıta ketý kerek, qaladaǵy bazarlar men iri saýda keshenderinde de qaıyrymdylyq sóreleri qoıylǵan. Qoldaý bildirgisi kelgen kez kelgen adam azyq-túlik pen turmystyq zattaryn sonda qaldyryp kete alady.
"Adyrna" ulttyq portaly
