قاراتۇرىن كەن ورنىنداعى ۇڭعىمادان شىققان ورتكە بايلانىستى «بوزاشى مۇناي» كومپانياسىنا 350 ميلليون تەڭگە ايىپپۇل سالىندى، دەپ حابارلايدى "ادىرنا" ۇلتتىق پورتالى.
ەكولوگيا مينيسترلىگىنىڭ مالىمەتىنشە، ماڭعىستاۋ وبلىسىندا اتموسفەرالىق اۋاداعى لاستاۋشى زاتتاردىڭ شەكتى رۇقسات ەتىلگەن كونتسەنتراتسياسىنىڭ مەتان بويىنشا 480 ەسە، مۇناي ونىمدەرى بويىنشا توپىراقتا 168,13 مگ/كگ ارتقانى انىقتالدى. بەرىلگەن رۇقسات بويىنشا ۇڭعىمانى بۇرعىلاۋ 2024 جىلى باستالۋى كەرەك ەدى، بىراق ول 2023 جىلدىڭ مامىرىندا باستالدى.
«تەكسەرۋ قورىتىندىسى بويىنشا كاسىپورىنعا كەلتىرىلگەن ەكولوگيالىق زالالدى جويۋ، سونداي-اق قورشاعان ورتاعا ەميسسيا نورمالارىن ساقتاۋ بويىنشا قالپىنا كەلتىرۋ باعدارلاماسىن ازىرلەۋ قاجەتتىگى تۋرالى بۇيرىق شىعارىلدى. الدىن الا مالىمەتتەر بويىنشا ءتورت اكىمشىلىك حاتتاما تولتىرىلدى. ەسەپتەۋلەر بويىنشا ايىپپۇل 350 ملن تەڭگەدەن اسادى»، - دەپ حابارلادى ۆەدومستۆودان.
ەكولوگيا مينيسترلىگى №303 ۇڭعىما 9 ماۋسىمدا ورتەنىپ، 2023 جىلدىڭ 25 جەلتوقسانىندا سوندىرىلگەنىن ەسكە سالدى. ۆەدومستۆونىڭ مالىمەتىنشە، ءورتتىڭ ۇزاقتىعى 200 كۇن بولعان.
جاقىندا بريتاندىق BBC تەلەراديوكومپانياسى بۇل مەتاننىڭ شەكتەن تىس جانىپ كەتۋى بويىنشا الەمدەگى ەكىنشى ۇلكەن وقيعا ەكەنىن مالىمدەدى. باسىلىمنىڭ مالىمەتىنشە، 127 مىڭ توننا گاز سىرتقا شىعىپ، بىرنەشە اي بويى ورتكە ۇلاسقان. جاساندى مەتاننىڭ جانۋ اۋقىمى بويىنشا ءبىرىنشى ورىندا رەسەيلىك گازدىڭ گەرمانياعا وتەتىن سولتۇستىك اعىن 1 جانە سولتۇستىك اعىن 2 قۇبىرلارىنىڭ 2022 جىلى سۋ استىنداعى جارىلىستارى اتالدى. وسى وقيعانىڭ ناتيجەسىندە اتموسفەراعا شىعارىندىلار 230 مىڭ توننا مەتانعا باعالانادى.
