Qaratūryn ken ornyndaǧy ūŋǧymadan şyqqan örtke bailanysty «Bozaşy mūnai» kompaniiasyna 350 million teŋge aiyppūl salyndy, dep habarlaidy "Adyrna" ūlttyq portaly.
Ekologiia ministrlıgınıŋ mälımetınşe, Maŋǧystau oblysynda atmosferalyq auadaǧy lastauşy zattardyŋ şektı rūqsat etılgen konsentrasiiasynyŋ metan boiynşa 480 ese, mūnai önımderı boiynşa topyraqta 168,13 mg/kg artqany anyqtaldy. Berılgen rūqsat boiynşa ūŋǧymany būrǧylau 2024 jyly bastaluy kerek edı, bıraq ol 2023 jyldyŋ mamyrynda bastaldy.
«Tekseru qorytyndysy boiynşa käsıporynǧa keltırılgen ekologiialyq zalaldy joiu, sondai-aq qorşaǧan ortaǧa emissiia normalaryn saqtau boiynşa qalpyna keltıru baǧdarlamasyn äzırleu qajettıgı turaly būiryq şyǧaryldy. Aldyn ala mälımetter boiynşa tört äkımşılık hattama toltyryldy. Esepteuler boiynşa aiyppūl 350 mln teŋgeden asady», - dep habarlady vedomstvodan.
Ekologiia ministrlıgı №303 ūŋǧyma 9 mausymda örtenıp, 2023 jyldyŋ 25 jeltoqsanynda söndırılgenın eske saldy. Vedomstvonyŋ mälımetınşe, örttıŋ ūzaqtyǧy 200 kün bolǧan.
Jaqynda britandyq BBC teleradiokompaniiasy būl metannyŋ şekten tys janyp ketuı boiynşa älemdegı ekınşı ülken oqiǧa ekenın mälımdedı. Basylymnyŋ mälımetınşe, 127 myŋ tonna gaz syrtqa şyǧyp, bırneşe ai boiy örtke ūlasqan. Jasandy metannyŋ janu auqymy boiynşa bırınşı orynda reseilık gazdyŋ Germaniiaǧa ötetın Soltüstık aǧyn 1 jäne Soltüstık aǧyn 2 qūbyrlarynyŋ 2022 jyly su astyndaǧy jarylystary ataldy. Osy oqiǧanyŋ nätijesınde atmosferaǧa şyǧaryndylar 230 myŋ tonna metanǧa baǧalanady.
Ūqsas jaŋalyqtar
