سەمەيدەگى ساۋدا ۇيلەرىنىڭ بىرىندە ءورت شىقتى، دەپ حابارلايدى "ادىرنا" ۇلتتىق پورتالى وبلىستىق توتەنشە جاعدايلار دەپارتامەنتىنە سىلتەمە جاساپ.
توتەنشە جاعدايلار دەپارتامەنتىنىڭ حابارلاۋىنشا، ساعات 13:51-دە «بيريۋسا» ساۋدا ۇيىندە ءورت شىققانى تۋرالى دابىل قاعىلعان.
"العاشقى ءورت ءسوندىرۋ بولىمشەلەرى كەلگەن كەزدە قاتتى ءتۇتىن بايقالدى. دەرەۋ گازدى ءورتتى باسقارۋ بولىمشەسى قۇرىلىپ، بارلاۋ جۇمىستارى باستالدى. ساۋدا ءۇيىنىڭ توبەسى جانىپ جاتقانى انىقتالدى", - دەپ حابارلادى قۇتقارۋشىلار.
سونداي-اق ءورت سوندىرۋگە 16 ادام مەن ءتورت تەحنيكا جۇمىلدىرىلعانى حابارلاندى. ءورت ساعات 14:21-دە ءسوندىرىلدى. قۇرباندار مەن زارداپ شەككەندەر جوق.
الدىن الا مالىمەت بويىنشا، ءورت اۋماعى 15 شارشى مەتردى قۇرادى.
ءورتتىڭ شىعۋ سەبەبى ءالى انىقتالعان جوق.
ۇقساس جاڭالىقتار
