تۇركيانىڭ فەتحيە قالاسىندا ەكسكۋرسيالىق كەمەدەن ءورت شىعىپ، بورتتاعى 115 ادام ەۆاكۋاتسيالاندى، دەپ حابارلايدى "ادىرنا" ۇلتتىق پورتالى.
جولاۋشىلار قاۋىپسىزدىك كەۋدەشەلەرىن كيىپ، تەڭىزگە سەكىرۋگە ءماجبۇر بولعان.
وقيعا كاتراندجى شىعاناعى ماڭىندا بولعان. الدىن الا مالىمەت بويىنشا، «Toys Boat» كەمەسىندەگى ءورت اسۇيدەن باستالىپ, كەيىن جالىن كەمەنىڭ باسقا بولىكتەرىنە تاراعان. كەمەدە ەكيپاج مۇشەلەرى مەن بالالاردى قوسا العاندا، بارلىعى 115 ادام بولعان. ءورتتىڭ كۇشەيۋىنە بايلانىستى جولاۋشىلار كەمەنى تاستاپ، قۇتقارۋ كەۋدەشەلەرىمەن تەڭىزگە تۇسكەن. وقيعا ورنىنا جاعالاۋ كۇزەتى، تەڭىز قاۋىپسىزدىگى قىزمەتتەرى مەن مەديتسينالىق جەدەل جاردەم بريگادالارى جىبەرىلگەن. قۇتقارۋ جۇمىستارىنا جاقىن ماڭدا بولعان باسقا دا قايىقتار مەن كەمەلەر قاتىسقان.
ءورت سالدارىنان ەكسكۋرسيالىق كەمە ايتارلىقتاي زاقىمدانىپ، كەيىن سۋعا باتا باستاعان. قۇتقارۋ قىزمەتتەرى ءورتتى سوندىرگەننەن كەيىن كەمەنى سۋدان كوتەرىپ، جاعاعا شىعارۋ جوسپارلانىپ وتىر.
