تۇركىستان وبلىسىنداعى العاباس اۋىلىندا 13 ادامنىڭ ءومىرىن قيعان ورتتەن امان قالعان ەرلى-زايىپتىنىڭ جاعدايى تۇراقتالعان، دەپ حابارلايدى "ادىرنا" ۇلتتىق پورتالى.
ەكى ادام شىمكەنت قالاسىنداعى گيپەرباريالىق وكسيگەناتسيا ورتالىعىنان شىعارىلىپ، جەتىسايعا جەتكىزىلگەن.
تۇركىستان وبلىستىق دەنساۋلىق ساقتاۋ باسقارماسىنىڭ حابارلاۋىنشا، قازىرگى ۋاقىتتا ولار جەتىساي اۋداندىق ورتالىق اۋرۋحاناسىندا ەم قابىلداپ جاتىر.
"1 جەلتوقسان كۇنى تۇسكەن ەكى ناۋقاستىڭ جاعدايى قازىر تۇراقتى. ەكى پاتسيەنت تە كۇيىك جاراقاتىنان كەيىنگى كەزەڭدە قاجەتتى ەم قابىلداپ جاتىر. اپپاراتسىز وزدەرى دەمالىپ جاتىر، ومىرلىك ماڭىزدى كورسەتكىشتەرى تۇراقتى. ەمدەۋ شارالارى بەكىتىلگەن حاتتاماعا سايكەس جالعاسىپ جاتىر. ناۋقاستاردىڭ جاعدايى دارىگەرلەردىڭ تۇراقتى باقىلاۋىندا", — دەلىنگەن ۆەدومستۆو حابارلاماسىندا.
ەسكە سالساق، جەتىسايداعى ورتتەن 13 ادام قازا تاپتى، ولاردىڭ 10-ى بالا. ال ورتتەن امان ققالعان جەتى جاستاعى قىز 30 قاراشا كۇنى كوز جۇمعان.
