ءباا-دەگى وقۋ-جاتتىعۋ جيىنىندا “استانا” مەن “روستوۆ” كوماندالارى اراسىندا جولداستىق كەزدەسۋ ءوتتى، دەپ حابارلايدى “ادىرنا” ۇلتتىق پورتالى Vesti.kz سايتىنا سىلتەمە جاساپ.
كەزدەسۋ 1:0 ەسەبىمەن رەسەيلىك كلۋبتىڭ جەڭىسىمەن اياقتالدى. جالعىز گولدى يران قۇراماسىنىڭ شابۋىلشىسى موحامماد موحەبي 19-مينۋتتا سوقتى.
ايتا كەتەيىك، كەزدەسۋگە «روستوۆ» كلۋبىنىڭ برازيليالىق شابۋىلشىسى رونالدو سەزار سوارەس دوس سانتۋس قاتىستى.
سونداي-اق 21 اقپاندا “استانا” ماسكەۋلىك “سپارتاكپەن” باقىلاۋ ماتچىن وتكىزەدى. بۇعان دەيىن ەلوردالىق كلۋب ماۋسىم الدىنداعى وقۋ-جاتتىعۋ جيىنىندا رپل كوشباسشىسى “كراسنوداردى” 4:2 ەسەبىمەن ۇتتى، سونداي-اق ءباا كلۋبتارى – “ەليت فالكونستى” – 3:0 جانە “گولف يۋنايتەدتى” 4:2 ەسەبىمەن ۇتقان بولاتىن.
ال ارمياندىق “ۋرارتۋ” كلۋبىمەن وتكەن ويىندا ەسەپ تەڭ ءتۇستى – 0:0.
“ادىرنا” ۇلتتىق پورتالى