قوستانايدا اۋىر اتلەتيكادان ەكىنشى جارىس كۇنى اياسىندا ەرلەر اراسىندا 61 كەلىگە دەيىنگى سالماقتا، ايەلدەر اراسىندا 55 كەلىگە دەيىنگى سالماقتا چەمپيوندار انىقتالدى، دەپ حابارلايدى “ادىرنا” ۇلتتىق پورتالى قر تۋريزم جانە سپورت مينيسترلىگى سپورتتى دامىتۋ ديرەكتسياسىنىڭ ءباسپاسوز قىزمەتىنە سىلتەمە جاساپ.
ەرلەر اراسىندا 61 كەلىگە دەيىن:
ماقسات قۋانتقان، قىزىلوردا وبلىسى - 263 كەلى (جۇلقا كوتەرۋدە 118 +145 كەلى)
ءاليحان اسكەرباي، جەتىسۋ وبلىسى - 254 كەلى (114 +140)
ەرناز الپىسوۆ، شىعىس قازاقستان وبلىسى – 251 كەلى (110 +141).
“قارسىلاستاردىڭ ءبارى مىقتى بولدى، اسىرەسە ءاليحان. تامىز ايىندا تاعى ءبىر ءىرى جارىس وتەدى، وندا ناتيجەنى بەكىتىپ، سودان كەيىن الەم چەمپيوناتىنا دايىندالۋ كەرەك»، - دەدى ماقسات قۋانتقان.
ايەلدەر، 55 كگ دەيىن:
كسەنيا پروزوروۆا (الماتى وبلىسى) - 175 كەلى (80+95)
يۋليا تروشكينا (اقمولا وبلىسى) - 155 كەلى (72+83)
نۇرسىيلا بەرىكبول (ۇلىتاۋ وبلىسى) – 146 كەلى (64+82).
ەسكەرە كەتۋ كەرەك، كسەنيا پروزوروۆا (جەكە جاتتىقتىرۋشىسى ازامات نۇرۋللاەۆ) ەرەسەك قرچ دەبيۋتانتى عانا ەمەس، سونىمەن قاتار ەڭ جاس ءۇش قاتىسۋشىنىڭ ءبىرى، ول 2010 جىلى تۋعان. دەبيۋتانت مارتەبەسىنە جانە ءالى جاسوسپىرىمدىك كەزەڭىنە قاراماستان، كسەنيا وتە سەنىمدى تۇردە جەڭىسكە جەتتى.
كسەنيانىڭ سوزىنشە، ونىڭ جەڭىسىنىڭ قۇپياسى تاباندىلىقتا.
“مەن كۇن سايىن، دەمالىسسىز جاتتىعامىن. بولاشاقتا وليمپيادا ويىندارىنا دەيىن بارلىق بەدەلدى حالىقارالىق جارىستاردا جەڭىسكە جەتىپ، جاڭا الەمدىك رەكوردتار ورناتقىم كەلەدى، - دەدى كسەنيا پروزوروۆا.
“ادىرنا” ۇلتتىق پورتالى
