سەيسەنبى، 9 شىلدە كۇنى كاريب تەڭىزىنىڭ جاعالاۋىندا بورتىندا 20 ميگرانت بولعان قايىق سۋعا باتتى. ونىڭ ىشىندە قازاقستاندىقتار دا بار، ەكەۋى — كامەلەت جاسىنا تولماعاندار، دەپ حابارلايدى “ادىرنا” ۇلتتىق پورتالى. بۇل تۋرالى Barron’sامەريكالىق باسىلىمى جاريالادى.
اسكەري-تەڭىز كۇشتەرىنىڭ مالىمەتىنشە، 15 ادام قۇتقارىلدى، ونىڭ التاۋى — كامەلەتكە تولماعاندار.
قايىق سان-اندرەس پەن پروۆيدەنسيا كۋرورت ارالدارىنىڭ جانىندا، كولۋمبيا مەن نيكاراگۋا شەكاراسىنا جاقىن جەردە باتىپ كەتتى.
اسكەريلەردىڭ باسىلىمعا حابارلاۋىنشا، اسكەري-تەڭىز كۇشتەرى مەن اۋە كۇشتەرى ىزدەۋ-قۇتقارۋ وپەراتسياسىن جۇرگىزىپ جاتىر.
«قۇتقارىلعان ەرەسەكتەر — كولۋمبيا، ەكۆادور، يران، نيكاراگۋا، قازاقستان جانە ۆەنەسۋەلادان» دەپ قوستى ولار.
امان قالعاندار اراسىندا كامەلەتكە تولماعان قازاقستاننان ەكى ازامات بار، ۇشەۋى ۆەنەسۋەلادان.
كولۋمبيانىڭ مالىمدەۋىنشە، ميگرانتتار ورتالىق امەريكا ارقىلى سولتۇستىككە جانە اقىر سوڭى مەكسيكا مەن اقش شەكاراسىنا بەت العاندا كولۋمبيا مەن پاناما اراسىنداعى دارەن ساڭىلاۋىنداعى قاۋىپتى وتكەلدەن اۋلاق ءجۇرۋ ءۇشىن سان-اندرەس پەن نيكاراگۋا اراسىنداعى جاسىرىن جولدى ءجيى پايدالانىپ ءجۇر.
ال، قر ءسىم اتالعان جايتقا قاتىستى رەسمي دەرەك جوق ەكەنىن مالىمدەدى.
