Qostanaida auyr atletikadan ekınşı jarys künı aiasynda erler arasynda 61 kelıge deiıngı salmaqta, äielder arasynda 55 kelıge deiıngı salmaqta chempiondar anyqtaldy, dep habarlaidy “Adyrna” ūlttyq portaly QR Turizm jäne sport ministrlıgı Sportty damytu direksiiasynyŋ baspasöz qyzmetıne sılteme jasap.
Erler arasynda 61 kelıge deiın: Maqsat Quantqan, Qyzylorda oblysy - 263 kelı (jūlqa köterude 118 +145 kelı) Älihan Äskerbai, Jetısu oblysy - 254 kelı (114 +140) Ernaz Alpysov, Şyǧys Qazaqstan oblysy – 251 kelı (110 +141). “Qarsylastardyŋ bärı myqty boldy, äsırese Älihan. Tamyz aiynda taǧy bır ırı jarys ötedı, onda nätijenı bekıtıp, sodan keiın älem chempionatyna daiyndalu kerek», - dedı Maqsat Quantqan. Äielder, 55 kg deiın: Kseniia Prozorova (Almaty oblysy) - 175 kelı (80+95) Iýliia Troşkina (Aqmola oblysy) - 155 kelı (72+83) Nūrsyila Berıkbol (Ūlytau oblysy) – 146 kelı (64+82). Eskere ketu kerek, Kseniia Prozorova (jeke jattyqtyruşysy Azamat Nūrullaev) eresek QRCh debiutanty ǧana emes, sonymen qatar eŋ jas üş qatysuşynyŋ bırı, ol 2010 jyly tuǧan. Debiutant märtebesıne jäne älı jasöspırımdık kezeŋıne qaramastan, Kseniia öte senımdı türde jeŋıske jettı. Kseniianyŋ sözınşe, onyŋ jeŋısınıŋ qūpiiasy tabandylyqta. “Men kün saiyn, demalyssyz jattyǧamyn. Bolaşaqta Olimpiada oiyndaryna deiın barlyq bedeldı halyqaralyq jarystarda jeŋıske jetıp, jaŋa älemdık rekordtar ornatqym keledı, - dedı Kseniia Prozorova.“Adyrna” ūlttyq portaly
Ūqsas jaŋalyqtar
