سەمەيدەگى اسپالى كوپىردە دەفورماتسيالىق تىگىستەر ورنىندا ساڭىلاۋلار پايدا بولدى، دەپ حابارلايدى “ادىرنا” ۇلتتىق پورتالى abainewskz Telegram-ارناسىنا سىلتەمە جاساپ.
بۇگىن سەمەيلىكتەردى ەرتىس ارقىلى وتەتىن اسپالى كوپىردەگى ساڭىلاۋ كورسەتىلگەن فوتوسۋرەت ۇرەيلەندىردى.
وسى جاعدايدا بايلانىستى شەنەۋنىكتەر ارنايى مامانداردىڭ كومەگىنە جۇگىنىپ، تەكسەرۋ جۇمىستارىن جۇرگىزدى.
"پوليتسيا قىزمەتكەرلەرى كوپىردىڭ جاي-كۇيىنە ۆيزۋالدى تەكسەرىس جۇرگىزدى. زەرتتەۋ ناتيجەلەرى بويىنشا، اكىمدىككە دەفورماتسيالىق تىگىستەردى مۇزدان تازارتۋ قاجەتتىلىگى تۋرالى بۇيرىق جىبەرىلدى. دەفورماتسيالىق تىگىستەردىڭ كەڭەيۋىنىڭ سەبەبى اۋا تەمپەراتۋراسىنىڭ تومەندەۋى بولدى",
- دەپ حابارلادى اباي وبلىستىق پد.
بۇيرىقتان كەيىن قالالىق جولاۋشىلار كولىگى جانە اۆتوموبيل جولدارى ءبولىمى كوپىردە انىقتالعان ساڭىلاۋ فاكتىسى بويىنشا ناقتى جاۋاپ بەردى.
«16 اقپاندا -29°س اۋا تەمپەراتۋراسى كەزىندە پتجقب ءبولىمىنىڭ وكىلدەرى اسپالى كوپىر تىرەكتەرىنىڭ كومپەنساتورلارى مەن كونسترۋكتسيالارىنا ۆيزۋالدى تەكسەرۋلەر جۇرگىزدى. ناتيجەسىندە №1 جانە 60 مم تىرەۋىشتە كومپەنساتورلاردىڭ جوتالارى اراسىنداعى №10 تىرەۋىشتە شامامەن 70 مم-دەي ساڭىلاۋ بار ەكەنى انىقتالدى. كوپىر تىرەكتەرىنىڭ جاعدايى قاناعاتتانارلىق دەپ باعالانىپ، كوپىردىڭ قۇلاۋ قاۋپى انىقتالعان جوق. ماماندار كوپىردى تومەن تەمپەراتۋرا كەزىندە تاۋلىك بويى قاداعالايدى»، - دەلىنگەن قالالىق اكىمدىكتىڭ حابارلاماسىندا.
“ادىرنا” ۇلتتىق پورتالى
