«Keneitu Ltd.» جەكە كومپانياسىنا اباي جانە ماڭعىستاۋ وبلىستارىندا قاتتى پايدالى قازبالاردى بارلاۋعا ايرىقشا قۇقىق بەرىلەتىن بولادى، دەپ حابارلايدى "ادىرنا" ۇلتتىق پورتالى كۋرسيۆكە سىلتەپ.
جەكە كومپانيا بۇرىنعى ينۆەستيتسيالار جانە دامۋ ۆيتسە-ءمينيسترى ارىستان قابيكەنوۆكە تيەسىلى. قۇجات «اشىق نقا» پورتالىندا جاريالاندى.
«جەر قويناۋى جانە جەر قويناۋىن پايدالانۋ تۋرالى» قازاقستان رەسپۋبليكاسى كودەكسىنىڭ 84-بابىنىڭ 2-تارماعى، 2024 جىلعى 29 مامىرداعى ينۆەستيتسيالار تارتۋ جونىندەگى كەڭەس وتىرىسى حاتتاماسىنىڭ 6.2-تارماعىنا سايكەس ۇكىمەت قاتتى پايدالى قازبالاردى بارلاۋعا ايرىقشا قۇقىق بەرەدى. اباي وبلىسىنداعى «شۋناي» كەن ورنى بويىنشا قاتتى پايدالى قازبالاردى بارلاۋعا بايىتۋ-وندىرىستىك كەشەن سالۋعا (قۋاتى 100 مىڭ توننا كاتودتى مىس، ينۆەستيتسيا كولەمى كەمىندە 300 ملرد تەڭگە جانە 800 جۇمىس ورنىن قۇرۋ). سونىمەن قاتار ماڭعىستاۋ وبلىسىنداعى «ايت-كوكشە» كەن ورنى بويىنشا قاتتى پايدالى قازبالاردى بارلاۋعا ەلەكتروليتتىك مارگانەتس ءوندىرۋىن (قۋاتى 20 مىڭ توننا، ينۆەستيتسيا كولەمى كەمىندە 45 ملرد تەڭگە جانە 150 جۇمىس ورنىن قۇرۋ) قامتاماسىز ەتۋگە مۇمكىندىك بەرەدى»، – دەپ جازىلعان قۇجاتتا.
وعان پرەمەر-مينيستر ولجاس بەكتەنوۆ قول قويعان. قۇجاتتى تالقىلاۋ 9 شىلدەگە دەيىن جالعاسپاق.
