اباي وبلىسىنىڭ كوشى-قون قىزمەتى باسقارماسىنىڭ باسشىسى مەن اباي وبلىسى پوليتسيا دەپارتامەنتىنىڭ قىزمەتكەرلەرى پارامەن اشكەرەلەندى. بۇل تۋرالى سىبايلاس جەمقورلىققا قارسى قىزمەت مالىمدەدى، دەپ حابارلايدى “ادىرنا” ۇلتتىق پورتالى.
انتيكور مالىمەتىنشە، لاۋازىمدى تۇلعا ءوزىنىڭ قىزمەتكەرى ارقىلى اۋداندىق پوليتسيا بولىمشەسىنىڭ قىزمەتكەرىن قالالىق كوشى قون قىزمەتى بولىمىنە اۋىستىرۋعا جاردەمدەسكەنى ءۇشىن 1000 اقش دوللارى كولەمىندە پارا العان.
كۇدىكتىلەر ۇستالىپ، ۋاقىتشا ۇستاۋ يزولياتورىنا قامالدى. سوتقا دەيىنگى تەرگەۋ جالعاسۋدا. قىلمىستىق-پروتسەستىك كودەكسىنىڭ 201-بابىنا سايكەس تەرگەۋ مۇددەسى ءۇشىن وزگە اقپارات جاريا ەتۋگە جاتپايدى، – دەلىنگەن حابارلامادا.
ايتا كەتەيىك، اباي وبلىسىنىڭ كوشى-قون قىزمەتىن گۇلۆيرا دونەنباەۆا باسقارادى. بۇدان بۇرىن 5 جىل بويى استانا قالاسى ءىىب كوشى-قون پوليتسياسى باسقارماسىنىڭ باستىعى قىزمەتىن اتقارعان. سودان كەيىن ول شىعىس قازاقستان وبلىسىنىڭ پوليتسيا دەپارتامەنتىنە كەلدى.
