Semeidegı aspaly köpırde deformasiialyq tıgıster ornynda saŋylaular paida boldy, dep habarlaidy “Adyrna” ūlttyq portaly abainewskz Telegram-arnasyna sılteme jasap.
Bügın semeilıkterdı Ertıs arqyly ötetın aspaly köpırdegı saŋylau körsetılgen fotosuret üreilendırdı. Osy jaǧdaida bailanysty şeneunıkter arnaiy mamandardyŋ kömegıne jügınıp, tekseru jūmystaryn jürgızdı. "Polisiia qyzmetkerlerı köpırdıŋ jai-küiıne vizualdy tekserıs jürgızdı. Zertteu nätijelerı boiynşa, äkımdıkke deformasiialyq tıgısterdı mūzdan tazartu qajettılıgı turaly būiryq jıberıldı. Deformasiialyq tıgısterdıŋ keŋeiuınıŋ sebebı aua temperaturasynyŋ tömendeuı boldy", - dep habarlady Abai oblystyq PD. Būiryqtan keiın qalalyq jolauşylar kölıgı jäne avtomobil joldary bölımı köpırde anyqtalǧan saŋylau faktısı boiynşa naqty jauap berdı. «16 aqpanda -29°S aua temperaturasy kezınde PTjQB bölımınıŋ ökılderı aspaly köpır tırekterınıŋ kompensatorlary men konstruksiialaryna vizualdy tekseruler jürgızdı. Nätijesınde №1 jäne 60 mm tıreuışte kompensatorlardyŋ jotalary arasyndaǧy №10 tıreuışte şamamen 70 mm-dei saŋylau bar ekenı anyqtaldy. Köpır tırekterınıŋ jaǧdaiy qanaǧattanarlyq dep baǧalanyp, köpırdıŋ qūlau qaupı anyqtalǧan joq. Mamandar köpırdı tömen temperatura kezınde täulık boiy qadaǧalaidy», - delıngen qalalyq äkımdıktıŋ habarlamasynda.“Adyrna” ūlttyq portaly
Ūqsas jaŋalyqtar
