نۇرلان سماعۇلوۆ اتىنداعى جەكە قور اباي وبلىسىنا كومەك رەتىندە 50 ميلليون تەڭگە اۋداردى. سونداي-اق، قازاقستاندا Astana Motors كومپانياسىنىڭ وكىلى Chery برەندى زارداپ شەككەندەرگە كومەك رەتىندە 14 ميلليون تەڭگە اۋداردى، دەپ حابارلايدى “ادىرنا” ۇلتتىق پورتالى.
نۇرلان سماعۇلوۆ قورىنىڭ وكىلدەرى ءوڭىردىڭ ءبىرىنشى كەزەكتەگى قاجەتتىلىكتەرى تۋرالى جاڭارتىلعان اقپارات الۋ جانە بۇل قاراجاتتىڭ قايدا باعىتتالاتىنىن بىرلەسىپ شەشۋ ءۇشىن وبلىس اكىمدىگى مەن تابيعي توتەنشە جاعدايدى جويۋ شتابىنا حابارلاستى.
اباي وبلىسىنداعى وقيعاعا قازاقستان حالقىمەن بىرگە قايعىلىمىز. ناۋرىزدا بۇكىل ەلمەن تۇرىك حالقىنا كومەك جينادىق، ەندى ماۋسىمدا ەل بولىپ وزىمىزگە كومەكتەسەمىز. اسار ءداستۇرى بارلىق قيىندىقتارعا توتەپ بەرۋگە كومەكتەسەدى دەپ ويلايمىن، - دەدى قور ديرەكتورى ايدىن سۇلتانوۆ.
