اباي وبلىسىنىڭ بورودۋليحا اۋىلىندا پىشاق جاراقاتى بار قىزدىڭ ءمايىتى تابىلدى، دەپ حابارلايدى "ادىرنا" ۇلتتىق پورتالى.
اتالعان فاكتى بويىنشا پوليتسيا ادام ءولتىرۋ دەرەگىمەن قىلمىستىق ءىس قوزعادى.
وبلىستىق پوليتسيا دەپارتامەنتىنىڭ مالىمەتىنشە، 13 شىلدە كۇنى تاڭەرتەڭ بورودۋليحا اۋىلىنداعى ۇيلەردىڭ ءبىرىنىڭ ماڭىنان قىزدىڭ دەنەسى تابىلعان. جەدەل-ىزدەستىرۋ ءىس-شارالارىنىڭ ناتيجەسىندە قىلمىسقا كۇدىكتى رەتىندە 20 جاستاعى اۋدان تۇرعىنى انىقتالىپ، ۇستالدى. قازىرگى ۋاقىتتا ول ۋاقىتشا ۇستاۋ يزولياتورىنا قامالدى.
تەرگەۋدىڭ الدىن الا نۇسقاسىنا سايكەس، كۇدىكتى مارقۇممەن تانىس بولعان. ولاردىڭ اراسىندا جەكە باس ارازدىعىنان جانجال تۋىنداپ، سوڭى ادام ولىمىنە اكەلگەن.
قازىرگى ۋاقىتتا وقيعانىڭ بارلىق ءمان-جايىن انىقتاۋعا باعىتتالعان تەرگەۋ امالدارى جۇرگىزىلىپ جاتىر. وزگە اقپارات تەرگەۋ مۇددەسىنە سايكەس جاريا ەتىلمەيدى.
