تۇركيادا پرەزيدەنتتىك جانە پارلامەنتتىك سايلاۋ 2023 جىلدىڭ 14 مامىرىندا وتەدى. بۇل تۋرالى تۇركيا پرەزيدەنتى رەجەپ تايىپ ەردوعان ايتتى، دەپ حابارلايدى “ادىرنا” ۇلتتىق پورتالى.
«14 مامىردا ءبىزدىڭ حالىق تالاپ ەتەتىن ساياسي ناۋقان وتەدى، تۇركيالىقتار سايلاۋدا داۋىس بەرەدى»، - دەدى رەجەپ تايىپ ەردوعان.
بۇعان دەيىن ەلدە بولعان جويقىن جەر سىلكىنىسىنە بايلانىستى سايلاۋ كەيىنگە شەگەرىلۋى مۇمكىن ەكەنى ايتىلعان بولاتىن.
ەسكە سالا كەتسەك، 6 اقپاندا تۇركيادا بىرقاتار جەر سىلكىنىسى بولىپ، 14 ميلليون ادام زارداپ شەككەن.
تۇركياداعى جەر سىلكىنىسىنەن قازا تاپقاندار سانى سوڭعى مالىمەتتەر بويىنشا 45 089-عا جەتتى.
