Túrkııada topyraq kóshkini júrip, kenshiler úıindi astynda qaldy, dep habarlaıdy "Adyrna" tilshisi.
Anadoly aqparat agenttiginiń H jelisindegi paraqshasynda Erzındjan qalasyndaǵy altyn kenishinde topyraq kóshkini júrgeni týraly aqparat tarady.
Túrkııa ishki ister mınıstrliginiń basshysy Alı Erlıkaıa da kenish aýmaǵyna shahtadan óndirilip jatqan taý jynysynyń kóshkini júrgenin aıtty.
“Ókinishke qaraı, kóshkinnen toǵyz qyzmetker zardap shekti degen boljam bar”, – dep habarlady basshy.
Ishki ister mınıstrliginiń aqparatynsha atalǵan shahtada 667 adam jumys isteıdi eken.
Túrkııanyń Ádilet mınıstri Iylmaz Týnch tergeý bastalǵanyn habarlady. Sondaı-aq oqıǵa ornyna 400 qutqarýshy jiberilgen.
Eske sala keteıik, 8 aqpan kúni Almatydaǵy Medeý aýdany Taý-Samal shaǵynaýdanynda kóshkin júrip, eki turǵyn úıge zaqym kelgen bolatyn. Laı kóshkini saldarynan bir otbasynyń tórt múshesi qaza tapty.
