اقتوبە وبلىسىنىڭ ايتەكە بي اۋدانىندا ششەرباكوۆو بوگەتىنىڭ ءشليۋزىنىڭ ۇستىندە جارىقتار پايدا بولدى، دەپ حابارلايدى "ادىرنا" ۇلتتىق پورتالى قر توتەنشە جاعدايلار مينيسترلىگىنە سىلتەمە جاساپ.
توتەنشە جاعدايلار قىزمەتىنىڭ كۇشتەرى تالدىساي مەن جۇرگەنوۆ اۋىلىنداعى 45 جەكە تۇرعىن ۇيدەن 149 ادامدى الدىن الا ەۆاكۋاتسيالادى.
"ساعات 21:40-تا بوگەت وپىرىلىپ، جۇرگەنوۆ اۋىلىنىڭ شەتىندەگى ىرعىز وزەنىنە سۋ قۇيا باستادى. جەرگىلىكتى ۇكىمەت كۇشتەرى بۇل اۋىلداردان تۇرعىنداردى ەۆاكۋاتسيالاي باستادى. 251 ادام، ونىڭ ىشىندە 87 بالا، 320 ءىرى قارا، 340 ۇساق مال، 606 قۇس ءوز بەتىنشە كوشىرىلدى.
توتەنشە جاعدايعا بايلانىستى تۇرعىندار الدىندا ايتەكە بي اۋدانىنىڭ اكىمى داۋلەتيار تۇعىزباەۆ مالىمدەمە جاسادى.
«قۇرمەتتى جەرلەستەر، جۇرگەنوۆ اۋىلى مەن تالدىساي اۋىلىنىڭ تۇرعىندارى! وتكەن جىلى قايتا سالىنعان ششەرباكوۆو بوگەتى سۋدىڭ كوپ تۇسۋىنەن قيرادى. سوندىقتان قازىر اپاتتى جاعدايدا ەۆاكۋاتسيالاۋ جۇمىستارى جۇرگىزىلىپ جاتىر. بۇل تۋرالى كەشە حابارلاعان بولاتىنبىز. بىراق ارالارىڭىزدا بۇرىن-سوڭدى كوشەلەرىن سۋ باسپاعانىن ايتىپ، كوشكىسى كەلمەيتىندەر دە بار»، - دەدى اۋدان اكىمى.
پوسموترەت ەتۋ پۋبليكاتسيۋ ۆ Instagram
