جەرگىلىكتى باق تايلاندتا جىلدام جۇزەتىن قايىق پحۋكەت جاعالاۋىندا اپاتقا ۇشىراعانىن جازدى. قازاقستاننىڭ سىرتقى ىستەر مينيسترلىگى وقيعا كەزىندە قايىقتا ءتورت قازاقستاندىق ايەل بولعانىن ءتۇسىندىردى، دەپ حابارلايدى “ادىرنا” ۇلتتىق پورتالى.
Ulysmedia.kz باسىلىمىنىڭ حابارلاۋىنشا، بورتتا 30-عا جۋىق ادام بولعان، ولاردىڭ اراسىندا قازاقستان، رەسەي، قىتاي جانە ۋكراينا ازاماتتارى بار.
«ولاردىڭ ۇشەۋى مەديتسينالىق كومەككە مۇقتاج. دارىگەرلەر تەكسەرگەننەن كەيىن ەكى جەرلەسىمىز اۋرۋحاناعا جاتقىزىلدى. جاعدايلارى تۇراقتى، دەنساۋلىقتارى مەن ومىرلەرىنە ەشقانداي قاۋىپ ءتونىپ تۇرعان جوق»، - دەدى ءسىم.
بارلىق شىعىندى قايىقتى يەلەنەتىن كومپانيا تولەيدى. ءبىزدىڭ كونسۋل زارداپ شەككەن قازاقستاندىق ايەلدەرمەن تۇراقتى بايلانىستا.
