شىعىس قازاقستاندا قار كوشكىنى بولىپ، اۆتوجولدى جاۋىپ قالدى، دەپ حابارلايدى "ادىرنا" ءتىلشىسى.
وبلىستا جەلدىڭ كۇشەيۋىنەن قار كوشكىنى بولدى. اكىمدىكتىڭ سوزىنشە، كوشكىننەن زارداپ شەككەندەر مەن قيراۋ تۋرالى دەرەكتەر تىركەلمەگەن.
11 اقپاندا ساعات 14:30-دا كاتون-قاراعاي اۋدانىندا جەرگىلىكتى ماڭىزى بار "سوگورنوە-بارلىق" اۆتوجولىنىڭ 16-شاقىرىمىندا جاۋىن-شاشىننىڭ كوپ تۇسۋىنە جانە جەلدىڭ كۇشەيۋىنە بايلانىستى جالپى كولەمى 1350 م3 ەكى قار كوشكىنى وزدىگىنەن ءتۇستى. زارداپ شەككەندەر مەن قيراۋلار ورىن العان جوق، - دەلىنگەن حابارلامادا.قار كوشكىنىنەن جولدى تازارتۋعا "وبلشىعىسجول" جشس 2 ادام جانە 2 تەحنيكا جۇمىلدىرىلعان.
ۇقساس جاڭالىقتار
