قازاقستانداعى بىرنەشە قالا ارالىق جول ەندى اقىلى جولدار قاتارىنا قوسىلدى، دەپ "ادىرنا" ءتىلشىسى Ulysmedia.kz-كە سىلتەمە جاساپ حابارلايدى.
قازان ايىنىڭ باسىنان باستاپ ەكىنشى جانە ءۇشىنشى تەحنيكالىق ساناتتاعى جولدارعا اقىلى جۇيەنى ەنگىزۋ پروتسەسى باستالعانى ايتىلدى.
ونىڭ ءبىرىنشىسى 8 قازاننان باستاپ پاۆلودار – سەمەي – قالباتاۋ اقىلى تاس جولى بولدى.
الداعى كۇندەرى كەلەسى ۋچاسكەلەردى اقىلى ەتۋ جوسپارلانۋدا:
2023 جىلعى 9 قازان – بەينەۋ – اقجىگىت;
2023 جىلعى 10 قازان – ورال – سامارا;
2023 جىلعى 14 قازان – پاۆلودار – ومبى;
2023 جىلعى 16 قازان – كوكشەتاۋ – پەتروپاۆل.
قازىرگى ۋاقىتتا ورال-ساراتوۆ اۆتوجولى ۋچاسكەسىندە اقى تولەۋدى ەنگىزۋ تۋرالى بۇيرىق سوڭعى بەكىتۋ ساتىسىندا.
