قارجى نارىعىن رەتتەۋ جانە دامىتۋ اگەنتتىگى مىندەتتى ساقتاندىرۋ سىيلىقاقىسىن ەسەپتەۋ كەزىندە قولدانىلاتىن «بونۋس-مالۋس» جۇيەسىنە وزگەرىستەر ەنگىزۋدى ۇسىندى، دەپ حابارلايدى "ادىرنا" ۇلتتىق پورتالى kolesa.kz-كە سىلتەپ.
ۆەدومستۆو ازىرلەگەن جوباعا سايكەس، قازاقستانداعى ەڭ تومەنگى م2 جانە م1 سىنىپتارى جويىلىپ، ەڭ تومەنگى دەڭگەي رەتىندە م كلاسى ەنگىزىلەدى. سونىمەن قاتار 4-تەن 13-كە دەيىنگى سىنىپتار بويىنشا كوەففيتسيەنتتەر مولشەرىن ارتتىرۋ كوزدەلىپ وتىر.
ۇسىنىلعان وزگەرىستەرگە سايكەس، ادام ولىمىنە اكەلگەن جول-كولىك وقيعاسىنا كىنالى دەپ تانىلىپ، ساقتاندىرۋ تولەمى جۇزەگە اسقان جاعدايدا جۇرگىزۋشى م دەڭگەيىنە تۇسەدى جانە وعان 20 پايىزدىق كوەففيتسيەنت قولدانىلادى. بۇل تالاپ شەتەلدىك ۋاقىتشا كىرگەن كولىك يەلەرىنە جانە زاڭدى تۇلعالارعا قاتىستى ەمەس.
ەۋروپروتوكول ارقىلى راسىمدەلگەن نەمەسە زارداپ شەككەن مۇلىككە تولەم سوماسى 200 ايلىق ەسەپتىك كورسەتكىشتەن اسپايتىن جاعدايلاردا، م نەمەسە 0 كلاسىنا تۇسكەن جۇرگىزۋشىلەردىڭ سىنىبى اۆتوماتتى تۇردە كوتەرىلمەيدى.
سونىمەن قاتار، ماس كۇيىندە كولىك باسقارعان جانە اكىمشىلىك نەمەسە قىلمىستىق جاۋاپكەرشىلىككە تارتىلعان جۇرگىزۋشىلەر دە م كلاسىنا اۋىستىرىلىپ، ولارعا 20 پايىزدىق كوەففيتسيەنت قولدانىلادى.
جوبادا ساقتاندىرۋ كومپانيالارىنا پوليس قۇنىن بەلگىلى ءبىر شەكتەۋلەر اياسىندا ءوز بەتىنشە بەلگىلەۋ قۇقىعىن بەرۋ قاراستىرىلعان. الايدا قولدانىستاعى كوەففيتسيەنت 90 پايىزدان تومەن جانە 110 پايىزدان جوعارى بولماۋى ءتيىس.
ۆەدومستۆو وكىلدەرىنىڭ ايتۋىنشا، وزگەرىستەر ساقتاندىرۋ جۇيەسىنىڭ تيىمدىلىگىن ارتتىرۋعا جانە تاۋەكەل دەڭگەيىنە قاراي ءادىل تاريف قالىپتاستىرۋعا باعىتتالعان.
