مەملەكەت باسشىسىنىڭ جارلىعىمەن ايدا عالىمقىزى بالاەۆا قازاقستان رەسپۋبليكاسىنىڭ مادەنيەت جانە اقپارات ءمينيسترى لاۋازىمىن ساقتاپ قالدى، دەپ حابارلايدى “ادىرنا” ۇلتتىق پورتالى.
“مەملەكەت باسشىسىنىڭ جارلىعىمەن ايدا عالىمقىزى بالاەۆا قازاقستان رەسپۋبليكاسىنىڭ مادەنيەت جانە اقپارات ءمينيسترى بولىپ تاعايىندالدى”، - دەلىنگەن جارلىق ماتىنىندە.
ەستەرىڭىزگە سالا كەتەيىك، بۇگىنگى ءماجىلىس وتىرىسىندا مينيستر جۋرناليستەردىڭ “بالاەۆا مادەنيەت جانە اقپارات ءمينيسترى لاۋازىمىن ساقتاپ قالا ما؟” دەگەن سۇراعىنا “بۇل ماسەلە دەپۋتاتتاردىڭ قولداۋىنا بايلانىستى” ەكەنىن اتاپ وتكەن.
ايدا بالاەۆا 1974 جىلى دۇنيەگە كەلگەن. اباي اتىنداعى الماتى مەملەكەتتىك ۋنيۆەرسيتەتىن ورىس ءتىلى مەن ادەبيەتى ءپانىنىڭ مۇعالىمى جانە قازاق ۇلتتىق اگرارلىق ۋنيۆەرسيتەتىن بىتىرگەن. الەۋمەتتىك عىلىمدار كانديداتى. «قۇرمەت» وردەنىمەن ماراپاتتالعان.
1999-2002 جىلدارى – الماتى وبلىستىق اقپارات جانە قوعامدىق كەلىسىم باسقارماسىنىڭ جەتەكشى مامانى، باس مامانى، ءبولىم باستىعى.
2002-2004 جىلدارى — الماتى قالالىق اقپارات جانە قوعامدىق كەلىسىم باسقارماسىنىڭ تالداۋ جانە قوعامدىق-ساياسي ۇردىستەردى ۇيلەستىرۋ ءبولىمىنىڭ باستىعى.
2004 جىلعى قاڭتار مەن قىركۇيەك ارالىعىندا — الماتى قالاسى بويىنشا اقپارات باسقارماسىنىڭ تالداۋ جانە بولجاۋ ءبولىمىنىڭ باستىعى.
2004-2005 جىلدارى — الماتى قالاسى بويىنشا اقپارات باسقارماسى باستىعىنىڭ ورىنباسارى.
2005-2006 جىلدارى — الماتى قالاسىنىڭ ىشكى ساياسات دەپارتامەنتى ديرەكتورىنىڭ ورىنباسارى.
2006-2008 جىلدارى — الماتى قالاسىنىڭ ىشكى ساياسات دەپارتامەنتىنىڭ ديرەكتورى.
2008-2010 جىلدارى — استانا قالاسىنىڭ ىشكى ساياسات باسقارماسىنىڭ باستىعى.
2010-2014 جىلدارى — استانا قالاسى اكىمىنىڭ ورىنباسارى.
2014-2019 جىلدارى — قازاقستان رەسپۋبليكاسى پرەزيدەنتى اكىمشىلىگىنىڭ ىشكى ساياسات ءبولىمىنىڭ مەڭگەرۋشىسى.
2019-2020 جىلدارى — قازاقستان رەسپۋبليكاسى پرەزيدەنتىنىڭ كومەكشىسى — قازاقستان رەسپۋبليكاسى پرەزيدەنتى اكىمشىلىگىنىڭ وتىنىشتەردى قاراۋدى باقىلاۋ ءبولىمىنىڭ مەڭگەرۋشىسى.
2020-2022 جىلدارى (قاڭتار) — قازاقستان رەسپۋبليكاسىنىڭ اقپارات جانە قوعامدىق دامۋ ءمينيسترى.
2022-2023 جىلدارى (قىركۇيەك) — قازاقستان رەسپۋبليكاسى پرەزيدەنتى اكىمشىلىگى باسشىسىنىڭ ورىنباسارى.
2023 جىلعى 2 قىركۇيەكتەن باستاپ — قازاقستان رەسپۋبليكاسىنىڭ مادەنيەت جانە اقپارات ءمينيسترى.
“ادىرنا” ۇلتتىق پورتالى
