مەملەكەت باسشىسى قاسىم-جومارت توقاەۆ پرەمەر-ءمينيستردىڭ ورىنباسارى – مادەنيەت جانە اقپارات ءمينيسترى ايدا بالاەۆانى قابىلدادى. بۇل تۋرالى اقوردانىڭ ءباسپاسوز قىزمەتى جازدى، دەپ حابارلايدى «ادىرنا» ءتىلشىسى.
قاسىم-جومارت توقاەۆقا مەملەكەتتىڭ الەۋمەتتىك ساياساتىن ىسكە اسىرۋدىڭ نەگىزگى باعىتتارى، اتاپ ايتقاندا، ۆەدومستۆوارالىق ىقپالداستىقتى كۇشەيتۋ، قىزمەتتەر ساپاسىن ارتتىرۋ، ادام كاپيتالىن دامىتۋ جانە سالانى تسيفرلاندىرۋ شارالارى جونىندە باياندالدى.
پرەزيدەنتكە مادەنيەت پەن اقپارات، ءدىن جانە ەتنوسارالىق قاتىناستار، ازاماتتىق قوعام، سونداي-اق وتباسى، جاستار ساياساتى سالالارىندا اتقارىلىپ جاتقان جۇمىستار تۋرالى مالىمەت بەرىلدى.
كەزدەسۋ سوڭىندا مەملەكەت باسشىسى اتالعان باعىتتاردى ودان ءارى جەتىلدىرۋ بويىنشا بىرقاتار ناقتى تاپسىرما بەردى.
ۇقساس جاڭالىقتار
