قاراعاندى وبلىسىنىڭ پوليتسەيلەرى نۇربولات داكەباەۆ ۇستالۋىنا قاتىستى پىكىر ءبىلدىردى، دەپ حابارلايدى “ادىرنا” ءتىلشىسى.
جەدەل جاردەم جۇرگىزۋشىسىن سوققىعا جىققان نۇربولات داكەباەۆ وسىدان بىرنەشە كۇن بۇرىن ۇستالعان بولاتىن.
الايدا ول كوپشىلىكتەن كەشىرىم سۇراپ، بەينە ۇندەۋ جاساعان بولاتىن. ۆيدەودا ول پوليتسياعا ءوزى ءبىرىنشى بولىپ كەلگەنىن ايتقان ەدى.
بىراق پوليتسيا كۇدىكتى ەر ادام ىزدەۋدە جۇرگەندە ءوزى بەرىلىپ، كەلمەگەنىن، بىراق ولاي ىستەۋگە مۇمكىندىگى بولعانىن ايتتى.
«ىزدەۋدەگى كۇدىكتى داكەباەۆ زاڭدى تۇردە دە جانە ءىس جۇزىندە دە ءوز ەركىمەن بەرىلگەن جوق. قولدانىستاعى زاڭناماعا سايكەس قىلمىس جاسادى دەگەن كۇدىككە ىلىنگەن ادامنىڭ ءوز ەركىمەن بەرىلۋى قاراستىرىلعان. بۇل جاعدايدا ايىبىن مويىنداۋ نەمەسە پوليتسيا بولىمىنە ءوز ەركىمەن كەلۋى بولعان جوق. كريمينالدىق پوليتسيا قىزمەتكەرلەرى جەدەل ىزدەستىرۋ شارالارىنىڭ كەشەنىن جۇرگىزىپ، ناتيجەسىندە مەملەكەتارالىق ىزدەۋدە جۇرگەن داكەباەۆ ۇستالدى»، – دەدى قاراعاندى وبلىسى پوليتسيا دەپارتامەنتىنىڭ باستىعى سانجار ءادىلوۆ.
