تەمىر اۋدانىندا ءبىر توپ وقۋشىنىڭ توبەلەسىنەن كەيىن قازا تاپقان 14 جاستاعى نۇرجان سىدىقتىڭ ولىمىنە قاتىسى بولۋى مۇمكىن 3 كۇدىكتى ۇستالدى. ولاردىڭ ءبارى كامەلەتكە تولماعان ءجاسوسپىرىم. بۇل تۋرالى پوليتسيا دەپارتامەنتى جاريالادى، دەپ حابارلايدى “ادىرنا” ۇلتتىق پورتالى.
«قىلمىستىق ءىس پوليتسيا دەپارتامەنتىنىڭ وندىرىسىنە قابىلداندى. پروتسەسسۋالدىق پروكۋرور تاعايىندالدى. قازىر وبەكتيۆتى جانە جان-جاقتى تەرگەۋ ءجۇرىپ جاتىر. ءۇش كامەلەتكە تولماعان كۇدىكتى ۋاقىتشا ۇستاۋ يزولياتورىنا قامالدى. الەۋمەتتىك مارتەبەسىنە، تۋىستىق بايلانىستارىنا قاراماستان، بارلىق كىنالى ادامدار جاۋاپقا تارتىلادى»، - دەلىنگەن پوليتسيا حابارلاماسىندا.
ەسكە سالايىق، بۇعان دەيىن جاس بالانىڭ ولىمىنەن كەيىن مەكتەپ ديرەكتورى قىزمەتىنەن كەتكەنىن جاريالادىق.
ۇقساس جاڭالىقتار
