الماتىدا Honda كولىگىن تىزگىندەگەن 19 جاستاعى جۇرگىزۋشى رولگە يە بولا الماي، جول جيەگىندەگى بەلگىگە سوعىلدى. جول اپاتى بەينەباقىلاۋ كامەراسىنا ءتۇسىپ قالعان، دەپ حابارلايدى “ادىرنا” ۇلتتىق پورتالى Tengrinews.kz- كە سىلتەپ.
بەينەجازبادا كولىكتىڭ وڭ جاق شەتكى جولاقتا كەلە جاتىپ، الدىنداعى كولىكتى باسىپ وزۋعا تىرىسقانى كورىنەدى. مانەۆر جاساۋ كەزىندە جۇرگىزۋشى رولگە يە بولا الماي، كولىك جولدان تايىپ، بەلگى باعاناسىنا سوعىلعان.
الماتى قالالىق پوليتسيا دەپارتامەنتىنىڭ مالىمەتىنشە، جول-كولىك وقيعاسى مەدەۋ اۋدانىندا تۇنگى ساعات 22:30 شاماسىندا بولعان.
“جۇرگىزۋشى كولىگىمەن شىعىس اينالما جولىنىڭ بويىمەن سولتۇستىك باعىتتا كەلە جاتقان. ول رولگە يە بولا الماي، بورديۋر تاسى مەن ارىق جۇيەسىنە سوقتىعىستى. اپات سالدارىنان ەشكىم زارداپ شەككەن جوق. كولىككە مەحانيكالىق زاقىم كەلدى. اۆتوكولىك ارنايى ايىپتۇراعىنا قويىلدى. قازىر مەدەۋ اۋداندىق پوليتسيا باسقارماسى بۇل وقيعا بويىنشا تەرگەۋ جۇمىستارىن جۇرگىزىپ جاتىر”، — دەلىنگەن پوليتسيا حابارلاماسىندا.
ەسكە سالساق، بۇعان دەيىن اقتوبە وبلىسىندا سامارا — شىمكەنت تاس جولىندا جۇك كولىگى مەن جولاۋشىلار اۆتوبۋسى سوقتىعىسىپ، اۆتوبۋس جۇرگىزۋشىسى قازا تاپقان بولاتىن.
ۇقساس جاڭالىقتار
