Qaraǧandy oblysynyŋ poliseilerı Nūrbolat Däkebaev ūstaluyna qatysty pıkır bıldırdı, dep habarlaidy “Adyrna” tılşısı.
Jedel järdem jürgızuşısın soqqyǧa jyqqan Nūrbolat Däkebaev osydan bırneşe kün būryn ūstalǧan bolatyn.
Alaida ol köpşılıkten keşırım sūrap, beine ündeu jasaǧan bolatyn. Videoda ol polisiiaǧa özı bırınşı bolyp kelgenın aitqan edı.
Bıraq polisiia küdıktı er adam ızdeude jürgende özı berılıp, kelmegenın, bıraq olai ısteuge mümkındıgı bolǧanyn aitty.
«Izdeudegı küdıktı Däkebaev zaŋdy türde de jäne ıs jüzınde de öz erkımen berılgen joq. Qoldanystaǧy zaŋnamaǧa säikes qylmys jasady degen küdıkke ılıngen adamnyŋ öz erkımen berıluı qarastyrylǧan. Būl jaǧdaida aiybyn moiyndau nemese polisiia bölımıne öz erkımen keluı bolǧan joq. Kriminaldyq polisiia qyzmetkerlerı jedel ızdestıru şaralarynyŋ keşenın jürgızıp, nätijesınde memleketaralyq ızdeude jürgen Däkebaev ūstaldy», – dedı Qaraǧandy oblysy Polisiia departamentınıŋ bastyǧy Sanjar Ädılov.
Ūqsas jaŋalyqtar
