2 اقپان كۇنى بىشكەكتە جىلۋ ەلەكتر ورتالىعىندا اپات بولدى. سالدارىنان 5 ادام زارداپ شەگىپ، بىرنەشە اۋدان ىستىق سۋ مەن جىلۋسىز قالدى، دەپ حابارلايدى «ادىرنا» ءتىلشىسى.
«كوپقاباتتى تۇرعىن ۇيلەردىڭ 66 پايىزىندا، ياعني 2493 ۇيدە جىلۋ جوق. ال 400-دەن استام پاتەردە ىستىق سۋ وشكەن»،—دەدى بىشكەك قالاسىنىڭ ۆيتسە-مەرى جىرعالبەك شامىراليەۆ.
سونداي-اق قالادا مەكتەپتەردىڭ بارلىعى ۋاقىتشا جابىلىپ، ونلاين رەجيمگە كوشتى.
ايتا كەتەيىك، جارىلىستىڭ قالاي بولعانى ازىرگە بەلگىسىز. مامانداردىڭ مالىمەتىنشە، قازىرگى تاڭدا تەرگەۋ جۇمىستارى جۇرگىزىلىپ جاتىر.
