كونگونىڭ سولتۇستىك كيۆۋ پروۆينتسياسىندا شاحتا وپىرىلدى، دەپ حابارلايدى “ادىرنا” ۇلتتىق پورتالى Reuters-كە سىلتەپ.
سالدارىنان كەمىندە 227 ادام كوز جۇمدى.
اقپاراتقا سايكەس، قايعىلى وقيعا جونىندە بۇلىكشىلەر تاعايىنداعان گۋبەرناتوردىڭ وكىلى لۋبۋمبا كامبەرە مۋيسا مالىمدەگەن. قۇربانداردىڭ اراسىندا شاحتا جۇمىسشىلارى، بالالار جانە جاقىن ماڭداعى بازاردا ساۋدا جاساعان تۇرعىندار بار.
مۋيسا كەيبىر ادامداردىڭ سوڭعى ساتتە قۇتقارىلعانىن، ولاردىڭ اۋىر جاراقات العانىن ايتتى. جاراقاتتىڭ ناقتى سيپاتى ازىرگە ناقتىلانباعان. ال گۋبەرناتور كەڭەسشىسىنىڭ مالىمەتىنشە، راستالعان قازا تاپقاندار سانى كەمىندە 227 ادامدى قۇرايدى. قۇربانداردىڭ ناقتى سانى ءالى انىقتالىپ جاتىر.
وقيعا بولعان كەن ورنى مەتالل كولتان وندىرۋگە ارنالعان جانە ول الەمدىك ءوندىرىستىڭ شامامەن 15 پايىزىن قامتاماسىز ەتەدى.
