جامبىل وبلىسى بايزاق اۋدانىنداعى اسكەري قويمادا بولعان جويقىن جارىلىسقا قاتىستى سوت ۇكىم شىقتى، دەپ حابارلايدى «ادىرنا» ۇلتتىق پورتالى.
سوت ۇكىمىمەن 20 جاستاعى ەكى سارباز كىنالى دەپ تانىلدى. ولار 9 جىلعا باس بوستاندىعىنان ايىرىلىپ، 24 ميلليارد 583 ميلليون تەڭگە شىعىندى وتەۋگە مىندەتتەلدى.
تەرگەۋ مالىمەتى بويىنشا، ساربازدار وق-ءدارى قويماسىنا جانىپ جاتقان شۇبەرەكتى لاقتىرعان. الايدا ساربازدار ءوز كىنالارىن مويىندامادى.
سوت بۇل ىسكە قاتىسى بار ەكى وفيتسەردى اقتاپ شىقتى. بۇدان بولەك، كومانديردىڭ مىندەتىن اتقارۋشى مەن ونىڭ ورىنباسارى قىزمەتتىك مىندەتتەرىنە سالعىرت قاراعانى ءۇشىن كىنالى دەپ تانىلعان بولاتىن. بىراق ولار قىلمىستىڭ ەسكىرۋ مەرزىمى ءوتىپ كەتكەندىكتەن سوت زالىنان بوساتىلدى.
ال ساربازداردىڭ ادۆوكاتى «سوتتا كەلتىرگەن بىردە-ءبىر دالەلىمىز نازارعا الىنبادى» دەپ وتىر. اسكەري بورىشىن وتەپ بىتۋىنە ءبىر اي عانا قالعان قوس سارباز ءۇش قابات قورعانىشى بار تاس قامال قويمانى بۇزىپ، جاپىراقتاي شۇبەرەكپەن ورتەدى دەگەن مىيعا قونىمسىز دەپ وتىر.
«ولاردان بىرنەشە رەت جاۋاپ الىندى، بىراق ساربازدار ەشتەڭە بىلمەيتىنىن جانە مۇنىڭ قالاي بولعانىن كورمەگەنىن ايتتى. جارىلىس الدىندا ولار وزدەرىنە بەكىتىلگەن اۋماقتا جۇمىستى اياقتاپ، قويما ايماعىنان شىعىپ، اسحانانىڭ جانىندا كومانديردى كۇتىپ تۇرعان. سوتتا ءبىز جىگىتتەردىڭ كىناسىزدىگىن دالەلدەدىك. ەڭ باستىسى، ولاردا ەشقانداي نيەت بولماعان، ويتكەنى ولار ءبىر ايدان كەيىن جۇمىستان شىعاتىنىن ءبىلدى. سونىمەن قاتار ولار قايتادان قىزمەتكە كىردى. ەگەر ايىپتالعان نارسەنى جاساسا، ولار مۇنى ىستەي مە؟ كەرىسىنشە قاشىپ كەتەر ەدى»، - دەيدى ساعادات امىرە.
«ءبىز وسى وقيعاعا ەربولات پەن اسەتتىڭ كىناسىزدىگىنىڭ تولىق دالەلدەرىن كەلتىردىك، الايدا سوت ءبىزدىڭ كورسەتكەنىمىزدى ەلەمەدى. ءبىز ۇسىنعان دالەلدەر مەنىڭ قورعاۋشىلارىما قارسى ءتۇسىندىرىلدى. ءبىز شىعارىلعان ۇكىممەن كەلىسپەيمىز جانە ونى اپەللياتسياعا بەرۋگە نيەتتىمىز. مەن جىگىتتەرمەن جانە ولاردىڭ وتباسىلارىمەن سوڭىنا دەيىن بولامىن. مەن ءۇشىن بۇل ابىرويلى ءىس، - دەدى ساعادات امىرە سوت تالقىلاۋىنىڭ قورىتىندىسى بويىنشا.
ەسكە سالساق، 2021 جىلى تامىزدا جامبىل وبلىسى بايزاق اۋدانىنداعى اسكەري بولىمشەنىڭ قارۋ-جاراق قويماسى جارىلىپ، 18 ءورت ءسوندىرۋشى مەن اسكەري قىزمەتكەر قازا تاۋىپ، 80 جەرگىلىكتى تۇرعىن جاراقات الدى. وقيعا بارىسىندا جاقىن ماڭداعى ەلدى مەكەندەردەگى ۇيلەر مەن كاسىپورىنداردىنا زاقىم كەلدى.
«ادىرنا» ۇلتتىق پورتالى
