جۋرناليست قىمبات دوسجان بەلگيالىق وتباسى اسىراپ العان جانىبەك جۇماعۇلوۆقا (ەددي جان ساۆەلەۆقا) قاتىستى جاڭا اقپاراتتارمەن ءبولىستى. ايتۋىنشا، بەلگياداعى توتەنشە جانە وكىلەتتى ەلشى مارعۇلان بايمۇحاننان حات كەلگەن، دەپ حابارلايدى «ادىرنا» ءتىلشىسى.
«حات مازمۇنىندا جانىبەك جۇماعۇلوۆ كومەك سۇراپ، بەلگياداعى ەلشىلىككە جۇگىنبەگەنى جازىلعان. بۇل مالىمەت بۇعان دەيىن دە بىزگە بەلگىلى ەدى. ويتكەنى، جانىبەكتىڭ ايتۋىنشا، بالا 16 جاسىندا اسىراپ العان ادامنان بولەك كەتىپ، كامەلەتتىك جاسقا تولعاندا ءتىپتى يسپانياعا كەتىپ قالعان. سوندىقتان اناسىن ىزدەپ، يسپانيادان كەلگەن ەدى. ەلشىلىك حاتىنداعى ەكىنشى مالىمەت: بالا اسىراپ الۋ ورتالىعى وكىلىنىڭ حابارلاۋىنشا، جانىبەكتىڭ اسىراپ الىنۋى اسىراپ الۋ اگەنتتىكتەرىنىڭ قاتىسۋىنسىز، جەكە، تىكەلەي بولعان.
سونداي-اق، وسى ورتالىقتىڭ وكىلى بۇل بالا كامەلەتكە تولعاندىقتان، قانداي دا ءبىر ەسەپتەردى، اقپاراتتى سۇراۋعا نەمەسە وسىعان بايلانىستى قادام جاساۋعا قۇقىعى جوق دەگەندەي جاۋاپ الدىق»،—دەدى ول.
