Jýrnalıst Qymbat Dosjan belgııalyq otbasy asyrap alǵan Jánibek Jumaǵulovqa (Eddı Jan Savelevqa) qatysty jańa aqparattarmen bólisti. Aıtýynsha, Belgııadaǵy Tótenshe jáne ókiletti elshi Marǵulan Baımuhannan hat kelgen, dep habarlaıdy «Adyrna» tilshisi.
«Hat mazmunynda Jánibek Jumaǵulov kómek surap, Belgııadaǵy elshilikke júginbegeni jazylǵan. Bul málimet buǵan deıin de bizge belgili edi. Óıtkeni, Jánibektiń aıtýynsha, bala 16 jasynda asyrap alǵan adamnan bólek ketip, kámelettik jasqa tolǵanda tipti Ispanııaǵa ketip qalǵan. Sondyqtan anasyn izdep, Ispanııadan kelgen edi. Elshilik hatyndaǵy ekinshi málimet: bala asyrap alý ortalyǵy ókiliniń habarlaýynsha, Jánibektiń asyrap alynýy asyrap alý agenttikteriniń qatysýynsyz, jeke, tikeleı bolǵan.
Sondaı-aq, osy ortalyqtyń ókili bul bala kámeletke tolǵandyqtan, qandaı da bir esepterdi, aqparatty suraýǵa nemese osyǵan baılanysty qadam jasaýǵa quqyǵy joq degendeı jaýap aldyq»,—dedi ol.
