قىرعىزستان مينيسترلەر كابينەتىنىڭ توراعاسى اقىلبەك جاپاروۆ ەلدە بولعان توتەنشە جاعدايعا بايلانىستى شۇعىل تۇردە الماتىدان بىشكەككە ۇشىپ كەتتى، دەپ حابارلايدى «ادىرنا» ءتىلشىسى.
ول قازاقستانعا ەۋرازيالىق ۇكىمەتارالىق كەڭەستىڭ وتىرىسىنا قاتىسۋ ءۇشىن كەلگەن ەدى. الايدا بىشكەكتەگى جىلۋ ەلەكتر ورتالىعىندا بولعان اپاتقا بايلانىستى ساپارىن ۇزۋگە ءماجبۇر بولدى.
قىرعىزستاننىڭ دەنساۋلىق ساقتاۋ مينيسترلىگىنىڭ مالىمەتىنشە، اپاتتان 5 ادام زارداپ شەككەن. قازىر ولاردىڭ ەكەۋى جانساقتاۋ بولىمىندە جاتىر. توتەنشە جاعداي سالدارىنان بىشكەكتەگى مەكتەپتەر مەن بالاباقشالار ونلاين وقىتۋعا كوشتى.
ايتا كەتەيىك، 1 اقپاندا اقىلبەك جاپاروۆ قازاقستان پرەمەر-ءمينيسترى ءاليحان سمايىلوۆپەن كەزدەسىپ، ستراتەگيالىق ارىپتەستىكتى ودان ءارى دامىتۋ ماسەلەلەرىن تالقىلادى.
