Qyrǵyzstan Mınıstrler kabınetiniń tóraǵasy Aqylbek Japarov elde bolǵan tótenshe jaǵdaıǵa baılanysty shuǵyl túrde Almatydan Bishkekke ushyp ketti, dep habarlaıdy «Adyrna» tilshisi.
Ol Qazaqstanǵa Eýrazııalyq úkimetaralyq keńestiń otyrysyna qatysý úshin kelgen edi. Alaıda Bishkektegi jylý elektr ortalyǵynda bolǵan apatqa baılanysty saparyn úzýge májbúr boldy.
Qyrǵyzstannyń Densaýlyq saqtaý mınıstrliginiń málimetinshe, apattan 5 adam zardap shekken. Qazir olardyń ekeýi jansaqtaý bóliminde jatyr. Tótenshe jaǵdaı saldarynan Bishkektegi mektepter men balabaqshalar onlaın oqytýǵa kóshti.
Aıta keteıik, 1 aqpanda Aqylbek Japarov Qazaqstan premer-mınıstri Álıhan Smaıylovpen kezdesip, strategııalyq áriptestikti odan ári damytý máselelerin talqylady.
