الەۋمەتتىك جەلىدە 8 جاسار قىزدى ايەلدىككە العان يەمەندىك 40 جاستاعى ەر ازامات جايلى اقپارات تارادى. دەرەككوزدەرگە سۇيەنسەك وقيعا 2013 جىلى بولعان، دەپ حابارلايدى "ادىرنا" ۇلتتىق پورتالى.
2013 جىلدىڭ قىركۇيەگىندە يەمەننىڭ سولتۇستىك-باتىسىندا 40 جاستاعى ەركەك راۆان ەسىمدى 8 جاسار قىزدى ايەلدىككە الىپ، كەيىن العاشقى نەكە تۇنىندە ءبۇلدىرشىن قاتتى قان كەتۋدەن قازا تاپقان. اتالمىش جايت 10 جىلدان استام ۋاقىتتان سوڭ جەلىدە قايتا تاراپ، رەزونانس تۋدىردى.
ليۆان گازەتى بۇل ساۋد ارابياسىمەن شەكتەسەتىن يەمەننىڭ سولتۇستىك-باتىس بولىگىندەگى حارد پروۆينتسياسىندا بولعانىن جازدى. بۇل تاياۋ شىعىس ايماعىنداعى ءماجبۇرلى نەكە ماسەلەسى الەمدىك جۇرتشىلىقتىڭ نازارىن اۋدارادى.
بۇۇ حالىق قورىنىڭ مالىمەتتەرى بويىنشا 2011 جانە 2020 جىلدار ارالىعىندا 140 ميلليوننان استام قىز بالا كەزىندە وسىنداي وقيعالارعا دۋشار بولادى. سونىمەن قاتار، وسى 140 ميلليوننان استام قىزدىڭ 50 ميلليونى 15 جاسقا دا تولماعان.
يەمەندەگى قىزداردىڭ 25% - دان استامى 15 جاسقا تولماي جاتىپ ءماجبۇرلى تۇردە ۇيلەنەدى. ولار قالىپتى مەديتسينالىق كومەككە، بىلىمگە قول جەتكىزە المايدى، سونىمەن قاتار نەكەدە تۇرعان بالالار فيزيكالىق جانە ەموتسيونالدىق زورلىق-زومبىلىققا ۇشىرايدى.
يەمەن بۇۇ-نىڭ 2022 جىلعى گەندەرلىك تەڭسىزدىك يندەكسىنە (Gender Inequality Index) سايكەس، اۋعانستان، نيگەريا جانە جاڭا گۆينەياداعى پاپۋادان تومەن دەڭگەيدە (144 ەلدىڭ 144-ءى), بۇل ەلدە 2014 جىلدان بەرى ازاماتتىق سوعىس جۇرۋدە. يەمەن 2023 جىلعى جاھاندىق بەيبىتشىلىك رەيتينگىندە (Global Peace Index) قاۋىپسىزدىك دەڭگەيى بويىنشا 163-ءشى ورىندا. مەملەكەت اراب ەلدەرىنىڭ ىشىندەگى ەڭ كەدەيلەرىنىڭ ءبىرى بولىپ تابىلادى، جەرگىلىكتى تۇرعىنداردىڭ شامامەن 76% - ى گۋمانيتارلىق كومەككە مۇقتاج.
