ۆاشينگتوندا اق ءۇيدىڭ جانىندا نارازىلىق شەرۋلەرى ءوتتى, دەپ حابارلايدى "ادىرنا" ءتىلشىسى FoxNews باسىلىمىنا سىلتەپ.
13 قاڭتار كۇنى ۆاشينگتوندا جۇرتشىلىق پالەستينا مەن يەمەندەگى اتىستى توقتاتۋدى تالاپ ەتىپ، نارازىلىق ءبىلدىردى.
نارازى توپ پوليتسياعا ءارتۇرلى زاتتاردى لاقتىرىپ، اق ءۇيدىڭ قورشاۋىن زاقىمداعان. اقش قۇپيا قىزمەتىنىڭ مالىمەتىنشە، پرەزيدەنت دجو بايدەن قازىر مەريلەند شتاتىنداعى كەمپ-دەۆيدتە.
دەگەنمەن نارازىلىق بىلدىرۋشىلەر قاماۋعا الىنباعان. ۆاشينگتون پوليتسيا دەپارتامەنتىنىڭ باسشىسى پامەلا ءسميتتىڭ ايتۋىنشا، بەيبىت نارازىلىق ءبىلدىرۋ قۇقىعى اقش دەموكراتياسىنىڭ ماڭىزدى بولىگى بولعانىمەن، "زورلىق پەن قىلمىستىق ارەكەتكە جول بەرىلمەيدى".
