Qurt لاقاپ اتىمەن بەلگىلى قازاقستاندىق رەپەر دامير قويشىباەۆتىڭ ايەلى ارۋجان قويشىباەۆا الەۋمەتتىك جەلىدەگى پاراقشاسىندا كوگەرگەن دەنەسىنىڭ سۋرەتتەرىن جاريالاپ، كۇيەۋى وعان زورلىق-زومبىلىق كورسەتكەنىن مالىمدەدى. دەپ حابارلايدى “ادىرنا”.
وقيعا 27 ماۋسىم كۇنى بولعان.
ء«بارى تاڭعى ساعات 10-دا بولدى، ول مەنى ءبىر ساعات بويى بەلدىكپەن سابادى. بەلدىك ءۇزىلىپ قالعاندا باسقا بەلدىكپەن ۇرىپ-سوقتى. مەن پاتەردەن قاشىپ شىعا الماعاندىقتان، «كومەكتەسىڭدەر، قۇتقارىڭدار، مەنى ءولتىرىپ جاتىر» دەپ ايعايلاي باستادىم. داۋسىمدى ەستىگەن كورشىلەر مەنى قۇتقارىپ قالدى. مەن ونى قاتتى جاقسى كورگەندىكتەن بۇل جاعداي تۋرالى ايتۋعا قورىقتىم. بىراق ول ءوز ءىس-ارەكەتىنە ەش وكىنگەن جوق. دەنەدەگى جاراقاتتىڭ بارلىعى تىركەلدى، ەرتەڭ ارىز جازامىن. ول دوستارىمەن كەلىپ، مەنى ۆيدەوعا ءتۇسىرىپ، «مەنىڭ وعان ەش شاعىمىم جوق» دەپ ايتۋعا ماجبۇرلەدى. كەيبىر دوستارى ماعان قوقان-لوقى كورسەتىپ جاتىر. مەن نە ىستەرىمدى بىلمەيمىن»، - دەپ جازعان رەپەردىڭ جۇبايى.
قازىر ارۋجان كۇيەۋى ەلدەن قاشىپ، جاۋاپكەرشىلىكتەن قۇتىلىپ كەتە مە دەپ قورقادى. جابىرلەنۋشى ادۆوكاتتاردان كومەك سۇراعان.
