Äleumettık jelıde 8 jasar qyzdy äieldıkke alǧan Iemendık 40 jastaǧy er azamat jaily aqparat tarady. Derekközderge süiensek oqiǧa 2013 jyly bolǧan, dep habarlaidy "Adyrna" ūlttyq portaly.
2013 jyldyŋ qyrküiegınde Iemennıŋ soltüstık-batysynda 40 jastaǧy erkek Ravan esımdı 8 jasar qyzdy äieldıkke alyp, keiın alǧaşqy neke tünınde büldırşın qatty qan ketuden qaza tapqan. Atalmyş jait 10 jyldan astam uaqyttan soŋ jelıde qaita tarap, rezonans tudyrdy.
Livan gazetı Būl Saud Arabiiasymen şektesetın Iemennıŋ soltüstık-batys bölıgındegı Hard provinsiiasynda bolǧanyn jazdy. Būl Taiau Şyǧys aimaǧyndaǧy mäjbürlı neke mäselesı älemdık jūrtşylyqtyŋ nazaryn audarady.
BŪŪ Halyq Qorynyŋ mälımetterı boiynşa 2011 jäne 2020 jyldar aralyǧynda 140 millionnan astam qyz bala kezınde osyndai oqiǧalarǧa duşar bolady. Sonymen qatar, osy 140 millionnan astam qyzdyŋ 50 milliony 15 jasqa da tolmaǧan.
Iemendegı qyzdardyŋ 25% - dan astamy 15 jasqa tolmai jatyp mäjbürlı türde üilenedı. Olar qalypty medisinalyq kömekke, bılımge qol jetkıze almaidy, sonymen qatar nekede tūrǧan balalar fizikalyq jäne emosionaldyq zorlyq-zombylyqqa ūşyraidy.
Iemen BŪŪ-nyŋ 2022 jylǧy genderlık teŋsızdık indeksıne (Gender Inequality Index) säikes, Auǧanstan, Nigeriia jäne Jaŋa Gvineiadaǧy Papuadan tömen deŋgeide (144 eldıŋ 144-ı), būl elde 2014 jyldan berı azamattyq soǧys jürude. Iemen 2023 jylǧy jahandyq beibıtşılık reitingınde (Global Peace Index) qauıpsızdık deŋgeiı boiynşa 163-şı orynda. Memleket arab elderınıŋ ışındegı eŋ kedeilerınıŋ bırı bolyp tabylady, jergılıktı tūrǧyndardyŋ şamamen 76% - y gumanitarlyq kömekke mūqtaj.
Ūqsas jaŋalyqtar
