بۇل تۋرالى مەملەكەتتىك قىزمەت ىستەرى اگەنتتىگىنىڭ توراعاسى دارحان جازىقباي 2023 جىلعى جۇمىس قورىتىندىسى بويىنشا القا وتىرىسىندا ايتتى.
مقىا توراعاسى اگەنتتىكپەن 2023 جىلى مەملەكەتتىك قىزمەت كورسەتۋ ساپاسىن باقىلاۋ سالاسىندا 498 تەكسەرۋ جۇرگىزىلگەنىن اتاپ ءوتتى. ناتيجەسىندە 66 مىڭ زاڭ بۇزۋشىلىق انىقتالدى. تەكسەرۋ قورىتىندىسى بويىنشا 898 لاۋازىمدى تۇلعا تارتىپتىك جاۋاپكەرشىلىككە، 365 اكىمشىلىك جاۋاپكەرشىلىككە تارتىلدى.
قىزمەت الۋشىلاردىڭ قۇقىقتارىن پرواكتيۆتى تۇردە، ولاردىڭ شاعىمدارىن كۇتپەي-اق، قاشىقتان مونيتورينگ جۇرگىزۋدىڭ تيىمدىلىگى اتاپ ءوتىلدى. بۇزۋشىلىقتار انىقتالعان جاعدايدا زاڭدىلىقتى قالپىنا كەلتىرۋ جانە قىزمەت الۋشىلاردىڭ قۇقىقتارىنىڭ بۇزىلۋىنا جول بەرمەۋ بويىنشا شارالار قابىلدانادى. مونيتورينگ ناتيجەسىندە وڭىرلەردە اقپاراتتىق جۇيە ارقىلى 11 مىڭنان استام زاڭ بۇزۋشىلىقتار انىقتالدى.
وسىنداي شارالاردىڭ ناتيجەسىندە 360 ازاماتتىڭ قۇقىقتارى قالپىنا كەلتىرىلدى.
دارحان جازىقباي 2023 جىلدىڭ سوڭىندا «e-Qyzmet» اقپاراتتىق جۇيەسىندە مەملەكەتتىك قىزمەت كورسەتۋدى باقىلاۋ ءمودۋلى ازىرلەنگەندىگىن اتاپ ءوتتى. «بۇل الداعى ۋاقىتتا باقىلاۋ ءىس-شارالارىن جۇرگىزۋ پروتسەسىن مەيلىنشە اۆتوماتتاندىرۋعا جانە ۋاقىت شىعىندارى مەن قاعازباستىلىقتى بولدىرماۋعا سەپتىگىن تيگىزبەك.
ءبىز مەملەكەتتىك قىزمەت كورسەتۋ ۇردىستەرىن جەتىلدىرۋ ماقساتىندا جۇيەلى تالداۋ جۇرگىزۋدەمىز. ناتيجەسىندە «ەلەكتروندىق ۇكىمەت» پورتالىندا جۇمىس ىستەمەي تۇرعان 40 مەملەكەتتىك قىزمەت انىقتالدى. قازىرگى ۋاقىتتا ولاردىڭ 14-ءى ىسكە قوسىلدى، قالعان 26 مەملەكەتتىك قىزمەتتى ىسكە قوسۋ جۇمىستارى جۇرگىزىلۋدە. سونىمەن قاتار، 16 مەملەكەتتىك قىزمەت اۆتوماتتاندىرىلدى، 10 مەملەكەتتىك قىزمەتتى كورسەتۋ بارىسىندا زاڭنامالاردا كەزدەسەتىن قايشىلىقتار جويىلدى.
تالداۋ ناتيجەلەرىنە سايكەس 104 مەملەكەتتىك قىزمەت تولىققاندى كورسەتىلمەيتىندىگى انىقتالدى. ياعني قىزمەت الۋشىلار ءوزىنىڭ قاجەتتىلىگىنە تۇپكىلىكتى قول جەتكىزۋ ءۇشىن مەملەكەتتىك ورگاندارعا بىرنەشە مارتە جۇگىنۋگە مۇقتاج.
سونىمەن قاتار، ازاماتتاردى اۋرە-سارساڭعا سالماۋ ءۇشىن 110 قىزمەتتى پرواكتيۆتى تۇردە جانە 75 قىزمەتتى «ءبىر ءوتىنىش» قاعيداتى بويىنشا كورسەتۋ ۇسىنىلدى. مەملەكەتتىك قىزمەتتەردى كورسەتۋ بارىسىندا 35 كوميسسيانى جانە 13 كەلىسۋدى قىسقارتۋ بويىنشا ۇسىنىستار ازىرلەندى.
اگەنتتىك ۇسىنىستارىن نەگىزگە الا وتىرىپ ۇكىمەت مەملەكەتتىك ورگاندارعا تاپسىرما بەرگەن سوڭ مەملەكەتتىك قىزمەتتەردى كورسەتۋ پروتسەسستەرىن جەتىلدىرۋ جانە وڭتايلاندىرۋ باعىتىندا ولار ءتيىستى جۇمىستار اتقارۋدا» - دەدى اگەنتتىك توراعاسى.
قر مقىا ءباسپاسوز قىزمەتى
