Bul týraly Memlekettik qyzmet isteri agenttiginiń tóraǵasy Darhan Jazyqbaı 2023 jylǵy jumys qorytyndysy boıynsha alqa otyrysynda aıtty.
MQIA Tóraǵasy Agenttikpen 2023 jyly memlekettik qyzmet kórsetý sapasyn baqylaý salasynda 498 tekserý júrgizilgenin atap ótti. Nátıjesinde 66 myń zań buzýshylyq anyqtaldy. Tekserý qorytyndysy boıynsha 898 laýazymdy tulǵa tártiptik jaýapkershilikke, 365 ákimshilik jaýapkershilikke tartyldy.
Qyzmet alýshylardyń quqyqtaryn proaktıvti túrde, olardyń shaǵymdaryn kútpeı-aq, qashyqtan monıtorıng júrgizýdiń tıimdiligi atap ótildi. Buzýshylyqtar anyqtalǵan jaǵdaıda zańdylyqty qalpyna keltirý jáne qyzmet alýshylardyń quqyqtarynyń buzylýyna jol bermeý boıynsha sharalar qabyldanady. Monıtorıng nátıjesinde óńirlerde aqparattyq júıe arqyly 11 myńnan astam zań buzýshylyqtar anyqtaldy.
Osyndaı sharalardyń nátıjesinde 360 azamattyń quqyqtary qalpyna keltirildi.
Darhan Jazyqbaı 2023 jyldyń sońynda «e-Qyzmet» aqparattyq júıesinde memlekettik qyzmet kórsetýdi baqylaý modýli ázirlengendigin atap ótti. «Bul aldaǵy ýaqytta baqylaý is-sharalaryn júrgizý proesin meılinshe avtomattandyrýǵa jáne ýaqyt shyǵyndary men qaǵazbastylyqty boldyrmaýǵa septigin tıgizbek.
Biz memlekettik qyzmet kórsetý úrdisterin jetildirý maqsatynda júıeli taldaý júrgizýdemiz. Nátıjesinde «elektrondyq úkimet» portalynda jumys istemeı turǵan 40 memlekettik qyzmet anyqtaldy. Qazirgi ýaqytta olardyń 14-i iske qosyldy, qalǵan 26 memlekettik qyzmetti iske qosý jumystary júrgizilýde. Sonymen qatar, 16 memlekettik qyzmet avtomattandyryldy, 10 memlekettik qyzmetti kórsetý barysynda zańnamalarda kezdesetin qaıshylyqtar joıyldy.
Taldaý nátıjelerine sáıkes 104 memlekettik qyzmet tolyqqandy kórsetilmeıtindigi anyqtaldy. Iaǵnı qyzmet alýshylar óziniń qajettiligine túpkilikti qol jetkizý úshin memlekettik organdarǵa birneshe márte júginýge muqtaj.
Sonymen qatar, azamattardy áýre-sarsańǵa salmaý úshin 110 qyzmetti proaktıvti túrde jáne 75 qyzmetti «bir ótinish» qaǵıdaty boıynsha kórsetý usynyldy. Memlekettik qyzmetterdi kórsetý barysynda 35 komıssııany jáne 13 kelisýdi qysqartý boıynsha usynystar ázirlendi.
Agenttik usynystaryn negizge ala otyryp Úkimet memlekettik organdarǵa tapsyrma bergen soń memlekettik qyzmetterdi kórsetý proessterin jetildirý jáne ońtaılandyrý baǵytynda olar tıisti jumystar atqarýda» - dedi Agenttik tóraǵasy.
QR MQIA Baspasóz qyzmeti
