وكسفورد ۋنيۆەرسيتەتىندە قازاق ءتىلىن وقىتۋ قولعا الىنباق. بۇل تۋرالى عىلىم جانە جوعارى ءبىلىم ءمينيسترى ساياسات نۇربەك ايتتى، دەپ حابارلايدى «ادىرنا» ءتىلشىسى.
«ۇلىبريتانياداعى وكسفورد ۋنيۆەرسيتەتى اراسىندا ءوزارا ىنتىماقتاستىق بايلانىس ورناتىپ، ءوزارا كەلىسىمگە قول قويدىق. سونىڭ ناتيجەسىندە وكسفورد ۋنيۆەرسيتەتىندە قازاق ءتىلىن وقىتۋ قولعا الىناتىنىن سۇيىنشىلەپ ايتقىم كەلەدى»،—دەدى ول.
سونداي-اق مينيستر پرەزيدەنت قاسىم-جومارت توقاەۆتىڭ تاپسىرماسىمەن دايارلانعان Oxford Qazaq سوزدىگىنىڭ العاشقى باسىلىمىن بريتانيالىقتارعا سىيعا بەرگەنىن جەتكىزدى.
«ءتىل – حالقىمىز ءۇشىن باستى قۇندىلىقتاردىڭ ءبىرى. قازاق جانە اعىلشىن تىلىندەگى Oxford Qazaq سوزدىگىن تانىستىرا وتىرىپ، ءبىز جاڭا تاريحي بەلەسكە كوتەرىلەمىز. سونىڭ ارقاسىندا الەم جۇرتشىلىعى مادەنيەتىمىز بەن حالقىمىزدىڭ تاريحى تۋرالى مول مالىمەت بىلەتىن بولادى. ءبىز قازاق ءتىلىن تەك قاعاز جۇزىندە عانا ەمەس، مەملەكەتتىك ءتىلدى دامىتۋدى تسيفرلاندىرۋ ارقىلى بەلسەندى تۇردە جۇزەگە اسىرامىز»،- دەدى ساياسات نۇربەك.
