TikTok قازاق تىلىنە اۋدارىلماق. بۇل تۋرالى Astana Media Week فورۋمىندا شىعىس ەۋروپاداعى TikTok Global Business Solutions ديرەكتورى جانە TikTok Kazakhstan كومپانياسىنىڭ بولاشاق باسشىسى اناستاسيا پانينا مالىمدەدى، دەپ حابارلايدى “ادىرنا” ۇلتتىق پورتالى.
«تسيفرلىق ساۋاتتىلىق – باسىمدىق. ءبىز قازاقستانداعى سەرىكتەستەرىمىزگە جاقىن بولعىمىز كەلەدى. قازىرگى تاڭدا ءبىز جوبالاردىڭ سانىن ارتتىرۋ ءۇشىن TikTok قوسىمشاسىن اۋدارۋ باعىتىندا جۇمىس ىستەۋدەمىز. سونىڭ ىشىندە قازاق ءتىلى دە بار. ءبىز ءۇشىن قولدانۋشىلاردىڭ قاۋىپسىزدىگى بارىنەن دە جوعارى. ءبىز قوعامداستىقتاردىڭ ەرەجەلەرىن بەلسەندى جاڭارتىپ وتىرامىز. اۋديتوريا پلاتفورمانى قالاي پايدالانۋ كەرەكتىگىن ءبىلۋ ماقساتىندا ءبىلىم بەرۋ جوبالارىنىڭ ۇلكەن سانىن ىسكە قوسۋدامىز»، – دەدى سپيكەر.
اناستاسيا پانينانىڭ ايتۋىنشا، قازاقستانداعى اۋديتوريا وتە شىعارماشىل.
«مىسالى، حيميا ءپانىنىڭ مۇعالىمى ۇلان ۇسەنوۆ ۇلكەن تانىمالدىققا يە بولدى. سەبەبى ول حيميا تۋرالى تانىمدى ايتىپ بەرەتىنى سونشالىق، ساباقتارى وتە قىزىقتى»، – دەدى ول.
