Oksford ýnıversıtetinde qazaq tilin oqytý qolǵa alynbaq. Bul týraly Ǵylym jáne joǵary bilim mınıstri Saıasat Nurbek aıtty, dep habarlaıdy «Adyrna» tilshisi.
«Ulybrıtanııadaǵy Oksford ýnıversıteti arasynda ózara yntymaqtastyq baılanys ornatyp, ózara kelisimge qol qoıdyq. Sonyń nátıjesinde Oksford ýnıversıtetinde qazaq tilin oqytý qolǵa alynatynyn súıinshilep aıtqym keledi»,—dedi ol.
Sondaı-aq mınıstr prezıdent Qasym-Jomart Toqaevtyń tapsyrmasymen daıarlanǵan Oxford Qazaq sózdiginiń alǵashqy basylymyn brıtanııalyqtarǵa syıǵa bergenin jetkizdi.
«Til – halqymyz úshin basty qundylyqtardyń biri. Qazaq jáne aǵylshyn tilindegi Oxford Qazaq sózdigin tanystyra otyryp, biz jańa tarıhı beleske kóterilemiz. Sonyń arqasynda álem jurtshylyǵy mádenıetimiz ben halqymyzdyń tarıhy týraly mol málimet biletin bolady. Biz qazaq tilin tek qaǵaz júzinde ǵana emes, memlekettik tildi damytýdy ıfrlandyrý arqyly belsendi túrde júzege asyramyz»,- dedi Saıasat Nurbek.
