ءماجىلىس دەپۋتاتى داۋلەت مۇقاەۆ ورىس تىلىندە وتكەن ادامي كاپيتالدى دامىتۋعا ارنالعان “Human Capital Days” ءىىى حالىقارالىق فورۋمىن سىنعا الدى، دەپ حابارلايدى “ادىرنا” ۇلتتىق پورتالى.
دەپۋتاتتىڭ ايتۋىنشا فورۋم 100% ورىس تىلىندە وتكەن.
ء“بىز قازاقستاندا تۇرامىز. قازاق ەلىندە تۇرامىز. بۇكىل جيىنداردىڭ 95%-ى ورىس تىلىندە ءوتۋىن مەن قۇپتامايمىن. ءسوز بەرمەسەڭىزدەر دە، مەن قازاق تىلىندە سويلەيىن” دەيدى ول فورۋمدا.
ايتا كەتەيىك، “Human Capital Days” ءىىى حالىقارالىق فورۋمى– جىل سايىن قازاقستان استاناسىندا وتەتىن ادامي كاپيتال مەن ەڭبەك نارىعىن دامىتۋعا ارنالعان سالالىق شارا. فورۋم قازاقستان رەسپۋبليكاسى ەڭبەك جانە حالىقتى الەۋمەتتىك قورعاۋ مينيسترلىگى، قازاقستان رەسپۋبليكاسى يندۋستريا جانە ينفراقۇرىلىمدىق دامۋ مينيسترلىگىنىڭ قولداۋىمەن ۇيىمداستىرىلدى.
