«انتيكور» كومپانياسىنا الماتىداعى جەر سىلكىنىسى كەزىندە جۇمىس ىستەمەي تۇرعان سەيسميكالىق ەسكەرتۋ جۇيەسىنە قاتىستى «ادىلدىك جولى» قورىنان ارىز كەلىپ ءتۇستى. وسى ىسكە قاتىستى ۆەدومستۆو تەرگەۋدى باستادى، دەپ حابارلايدى “ادىرنا” ۇلتتىق پورتالى.
سىبايلاس جەمقورلىققا قارسى ءىس-قيمىل اگەنتتىگى «ادىلدىك جولى» قوعامدىق بىرلەستىگىنىڭ ديرەكتورى ديدار سماعۇلوۆتىڭ باسىلىمىن قابىلدادى.
ونىڭ ايتۋىنشا، 1,1 ميلليارد تەڭگەگە جەر سىلكىنىسىنىڭ الدىن الۋ قىزمەتىن كورسەتەتىن كومپانيا ەكس-پرەزيدەنت نۇرسۇلتان نازارباەۆتىڭ جيەنى ءنۇرالى اليەۆكە تيەسىلى.
«بۇل اقپاراتتان حاباردارمىز، ارىپتەسىمىز ديدار سماعۇلوۆتىڭ باسىلىمىن دا وقىدىق. اتالعان فاكتىگە بايلانىستى الماتى قالاسىنىڭ انتيكور باسقارماسىنا «ادىلدىك جولى» قوعامدىق بىرلەستىگىنىڭ ارىزى تىركەلدى. ماتەريالدار ۋاكىلەتتى ورگانعا تەكسەرۋگە جىبەرىلدى، ونىڭ قورىتىندىسى بويىنشا ءتيىستى پروتسەسسۋالدىق شەشىم قابىلدانادى»، - دەدى «انتيكور» رەسمي وكىلى ارمان تىلەۋكەنوۆ.
الماتىداعى كۇشتى جەر سىلكىنىسىن الدىن الا حابارلاۋدىڭ اۆتوماتتاندىرىلعان جۇيەسىن قۇرۋعا 1,1 ميلليارد تەڭگە بولىنگەنمەن، جەر سىلكىنىسى تۋرالى سمس تۇرعىندارعا حابارلانباعان، سيرەنالار جۇمىس ىستەمەيتىنى حابارلانعان بولاتىن.
Protenge Telegram ارناسىنىڭ حابارلاۋىنشا، الماتى توتەنشە جاعدايلار دەپارتامەنتى سوناۋ 2022 جىلى 1,1 ميلليارد تەڭگەگە كەلىسىمشارتقا وتىرعان. كەلىسىمشارت ورىندالىپ، اقشا 2023 جىلدىڭ سوڭىندا تولەندى.
ايتپاقشى، ءماجىلىس وتىرىسىندا دەپۋتاتتار اۆتوماتتاندىرىلعان جۇيە ماسەلەسىن دە كوتەردى.
«الماتىداعى كەشەگى جەر سىلكىنىسى ازاماتتاردى ەسكەرتۋ جۇيەسىندەگى ايقىن كەمشىلىكتەردى كورسەتتى. Google بۇل تۋرالى الماتىلىقتارعا اندرويدتەر ارقىلى حابارلادى. ءبىز اقپاراتتى توتەنشە جاعدايلار مينيسترلىگىنەن دە، ۇلتتىق وپەراتوردان دا ەمەس، عالامدىق قىزمەتتەردەن الدىق. قيىن جاعدايدا بىزگە كىم قامقورلىق جاساۋى كەرەك - بيلل گەيتس، يلون ماسك؟ ءبىزدىڭ ەسكەرتۋ جۇيەمىزدە نە دۇرىس ەمەس؟ نەلىكتەن بايلانىس ارنالارى جۇمىس ىستەمەيدى؟» – دەدى ماجىلىسمەن سەرگەي پونومارەۆ.
“ادىرنا” ۇلتتىق پورتالى
