«Antıkor» kompanııasyna Almatydaǵy jer silkinisi kezinde jumys istemeı turǵan seısmıkalyq eskertý júıesine qatysty «Ádildik joly» qorynan aryz kelip tústi. Osy iske qatysty vedomstvo tergeýdi bastady, dep habarlaıdy “Adyrna” ulttyq portaly.
Sybaılas jemqorlyqqa qarsy is-qımyl agenttigi «Ádildik joly» qoǵamdyq birlestiginiń dırektory Dıdar Smaǵulovtyń basylymyn qabyldady.
Onyń aıtýynsha, 1,1 mıllıard teńgege jer silkinisiniń aldyn alý qyzmetin kórsetetin kompanııa eks-prezıdent Nursultan Nazarbaevtyń jıeni Nuráli Álıevke tıesili.
«Bul aqparattan habardarmyz, áriptesimiz Dıdar Smaǵulovtyń basylymyn da oqydyq. Atalǵan faktige baılanysty Almaty qalasynyń Antıkor basqarmasyna «Ádildik joly» qoǵamdyq birlestiginiń aryzy tirkeldi. Materıaldar ýákiletti organǵa tekserýge jiberildi, onyń qorytyndysy boıynsha tıisti proessýaldyq sheshim qabyldanady», - dedi «Antıkor» resmı ókili Arman Tileýkenov.
Almatydaǵy kúshti jer silkinisin aldyn ala habarlaýdyń avtomattandyrylǵan júıesin qurýǵa 1,1 mıllıard teńge bólingenmen, jer silkinisi týraly SMS turǵyndarǵa habarlanbaǵan, sırenalar jumys istemeıtini habarlanǵan bolatyn.
Protenge Telegram arnasynyń habarlaýynsha, Almaty Tótenshe jaǵdaılar departamenti sonaý 2022 jyly 1,1 mıllıard teńgege kelisimshartqa otyrǵan. Kelisimshart oryndalyp, aqsha 2023 jyldyń sońynda tólendi.
Aıtpaqshy, Májilis otyrysynda depýtattar avtomattandyrylǵan júıe máselesin de kóterdi.
«Almatydaǵy keshegi jer silkinisi azamattardy eskertý júıesindegi aıqyn kemshilikterdi kórsetti. Google bul týraly almatylyqtarǵa androıdter arqyly habarlady. Biz aqparatty Tótenshe jaǵdaılar mınıstrliginen de, ulttyq operatordan da emes, ǵalamdyq qyzmetterden aldyq. Qıyn jaǵdaıda bizge kim qamqorlyq jasaýy kerek - Bıll Geıts, Ilon Mask? Bizdiń eskertý júıemizde ne durys emes? Nelikten baılanys arnalary jumys istemeıdi?» – dedi májilismen Sergeı Ponomarev.
“Adyrna” ulttyq portaly
