«Antikor» kompaniiasyna Almatydaǧy jer sılkınısı kezınde jūmys ıstemei tūrǧan seismikalyq eskertu jüiesıne qatysty «Ädıldık joly» qorynan aryz kelıp tüstı. Osy ıske qatysty vedomstvo tergeudı bastady, dep habarlaidy “Adyrna” ūlttyq portaly.
Sybailas jemqorlyqqa qarsy ıs-qimyl agenttıgı «Ädıldık joly» qoǧamdyq bırlestıgınıŋ direktory Didar Smaǧūlovtyŋ basylymyn qabyldady. Onyŋ aituynşa, 1,1 milliard teŋgege jer sılkınısınıŋ aldyn alu qyzmetın körsetetın kompaniia eks-prezident Nūrsūltan Nazarbaevtyŋ jienı Nūrälı Älievke tiesılı. «Būl aqparattan habardarmyz, ärıptesımız Didar Smaǧūlovtyŋ basylymyn da oqydyq. Atalǧan faktıge bailanysty Almaty qalasynyŋ Antikor basqarmasyna «Ädıldık joly» qoǧamdyq bırlestıgınıŋ aryzy tırkeldı. Materialdar uäkılettı organǧa tekseruge jıberıldı, onyŋ qorytyndysy boiynşa tiıstı prosessualdyq şeşım qabyldanady», - dedı «Antikor» resmi ökılı Arman Tıleukenov. Almatydaǧy küştı jer sılkınısın aldyn ala habarlaudyŋ avtomattandyrylǧan jüiesın qūruǧa 1,1 milliard teŋge bölıngenmen, jer sılkınısı turaly SMS tūrǧyndarǧa habarlanbaǧan, sirenalar jūmys ıstemeitını habarlanǧan bolatyn. Protenge Telegram arnasynyŋ habarlauynşa, Almaty Tötenşe jaǧdailar departamentı sonau 2022 jyly 1,1 milliard teŋgege kelısımşartqa otyrǧan. Kelısımşart oryndalyp, aqşa 2023 jyldyŋ soŋynda tölendı. Aitpaqşy, Mäjılıs otyrysynda deputattar avtomattandyrylǧan jüie mäselesın de köterdı. «Almatydaǧy keşegı jer sılkınısı azamattardy eskertu jüiesındegı aiqyn kemşılıkterdı körsettı. Google būl turaly almatylyqtarǧa androidter arqyly habarlady. Bız aqparatty Tötenşe jaǧdailar ministrlıgınen de, ūlttyq operatordan da emes, ǧalamdyq qyzmetterden aldyq. Qiyn jaǧdaida bızge kım qamqorlyq jasauy kerek - Bill Geits, İlon Mask? Bızdıŋ eskertu jüiemızde ne dūrys emes? Nelıkten bailanys arnalary jūmys ıstemeidı?» – dedı mäjılısmen Sergei Ponomarev.“Adyrna” ūlttyq portaly
Ūqsas jaŋalyqtar
